IMF නියෝජිතයින් පිරිසක් දිවයිනට

ජාත්‍යන්තර මූල්‍ය අරමුදලේ නියෝජිතයින් පිරිසක් අද මෙරටට පැමිණීමට නියමිතයි.

ඒ අනුව ලබන මස 9 වනදා දක්වා මෙරට රැඳී සිටින එම පිරිස, විස්තීරණ අරමුදල් පහසුකම යටතේ සිදුකරන පස්වන සහ හයවන සමාලෝචන සම්පූර්ණ කිරීමේ අරමුණින් ප්‍රතිපත්තිමය සාකච්ඡා පවත්වනු ඇති.

එසේම මෙම සංචාරය අතරතුර, ආර්ථික ප්‍රතිපත්ති පිළිබඳව මෙන්ම මැදපෙරදිග ගැටුම් හේතුවෙන් ශ්‍රී ලංකා ආර්ථිකයට එල්ල විය හැකි බලපෑම් පිළිබඳව ද සාකච්ඡා කිරීමට නියමිත බවයි ජාත්‍යන්තර මූල්‍ය අරමුදලේ සන්නිවේදන දෙපාර්තමේන්තුවේ අධ්‍යක්ෂිකා ජූලි කොසැක් ප්‍රකාශ කළේ.