දූෂණ චෝදනාවක් සම්බන්ධයෙන් ඇප මත මුදා හැර සිටින හිටපු අමාත්ය මනුෂ නානායක්කාර මහතාට පනවා ඇති විදේශ ගමන් තහනම තාවකාලිකව ලිහිල් කිරීම සම්බන්ධයෙන් වන අල්ලස් කොමිසමේ ස්ථාවරය ලබන 02 වනදා අධිකරණයට ඉදිරිපත් කරන ලෙස කොළඹ මහේස්ත්රාත් අධිකරණය අද (26) නියෝග කර තිබේ.
සිංගප්පූරු යාමට අවසර ඉල්ලයි
සැකකාර මනුෂ නානායක්කාර මහතා විසින් සිදු කළ මෙම ඉල්ලීම අද කොළඹ ප්රධාන මහේස්ත්රාත් අසංග එස්. බෝදරගම මහතා ඉදිරියේ සලකා බැලුණි. එහිදී හිටපු අමාත්යවරයා වෙනුවෙන් පෙනී සිටි නීතිඥ අස්තික දේවේන්ද්ර මහතා අධිකරණය හමුවේ කරුණු දක්වමින් පවසා සිටියේ, සිය සේවාදායකයාට වෛද්ය ප්රතිකාර ලබා ගැනීම සඳහා සිංගප්පූරුවට යාමට අවශ්යව ඇති බවයි. ඒ සඳහා අධිකරණය විසින් දැනට පනවා තිබෙන විදේශ ගමන් තහනම තාවකාලිකව ලිහිල් කරන ලෙස නීතිඥවරයා ඉල්ලා සිටියේය.
අධිකරණයේ නියෝගය
මෙම ඉල්ලීම සලකා බැලූ ප්රධාන මහේස්ත්රාත්වරයා, අල්ලස් කොමිසමේ නිලධාරීන්ට දැනුම් දුන්නේ අදාළ ඉල්ලීම සම්බන්ධයෙන් කොමිසමේ ස්ථාවරය එළඹෙන 02 වනදා අධිකරණයට දැනුම් දෙන ලෙසයි.
ඒ අනුව, එදිනට අදාළ පාර්ශ්වයන්ගේ කරුණු විමසා බලා සුදුසු නියෝගයක් ලබා දෙන බව මහේස්ත්රාත්වරයා මෙහිදී වැඩිදුරටත් සඳහන් කළේය.
විදෙස් ප්රේෂණවලින් මෙරට ඉතිහාසයේ ලොකුම වාර්තාව මේ වසරේදී? 
පළාත් සභා ඡන්දය පැවැත්වීමට මැතිවරණ කොමිසම සූදානමින් 
එක රැයකින් ඩොලරය පහළට ආ හැටි මහ බැංකු අධිපති හෙළි කරයි 
වාහන හිමියන්ට විශේෂ නිවේදනයක් 
ඩීසල් ලීටරයක මිල රුපියල් 600ක් කළ යුතුයි – ධනනාත් ප්රනාන්දු 
ශ්රී ලංකා රුපියල තවදුරටත් ශක්තිමත් වෙයි 
ඉන්ධන මිල සංශෝධනයක්? ඛනිජ තෙල් සංස්ථාවෙන් නිවේදනයක් 
ප්රදේශ කිහිපයකට පැය 12ක ජල කප්පාදුවක් 
සරණගේ නඩුවල තීන්දු කල්යයි 
රජයේ විශ්රාම වැටුප් නැති අයටත් විශ්රාම වැටුප් ගන්න අවස්ථාවක් 
සටන් විරාමය අස්ථාවර කරමින් ඇමෙරිකාවෙන් දකුණු ඉරානයට ප්රහාර 
හිටපු නියෝජ්ය ඇමති සරණට එරෙහි තීරණාත්මක නඩු තීන්දු හතරක් අද