දකුණු කොළඹ ශික්ෂණ රෝහලේ (කළුබෝවිල) අලුතින් ස්ථාපිත කළ හෘද කැතීටරීකරණ රසායනාගාර ඒකකය ඇතුළු අතිනවීන රෝගී සත්කාරක පහසුකම් කිහිපයක් හෙට (30) ජනතා අයිතියට පත් කිරීමට නියමිතව තිබේ.
සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන් මෙම විවෘත කිරීම සිදු කිරීමට නියමිත බව සෞඛ්ය අමාත්යාංශය සඳහන් කරයි.
මෙහිදී හෘද කැතීටරීකරණ රසායනාගාර ඒකකය, ඩිජිටල් ඇන්ජියෝග්රැෆි ඒකකය සහ වකුගඩු හා මුත්රාශ්රිත ගල් කුඩු කිරීමේ ලිතොට්රිප්සි ඒකකය ජනතා අයිතියට පත් කිරීමට නියමිතය.
මෙරට හෘද හා රුධිර නාල රෝග ප්රතිකාර සේවාවන් ශක්තිමත් කිරීමේ අරමුණින් මෙම සතිය තුළ රජයේ රෝහල් පද්ධතියට නවීන කැත් ලැබ් ඒකක 04ක් එක් කිරීමට සැලසුම් කර තිබේ.
ඒ අනුව යාපනය ශික්ෂණ රෝහලේ කැත් ලැබ් ඒකකය පසුගිය 27 වනදා විවෘත කළ අතර, කළුබෝවිල දකුණු කොළඹ ශික්ෂණ රෝහලේ ඒකකයට අමතරව කොළඹ ජාතික රෝහලේ කැත් ලැබ් ඒකක දෙකක්ද රෝගී ප්රතිකාර සඳහා එක් කිරීමට නියමිතය.
නවීන තාක්ෂණයෙන් සමන්විත මෙම කැත් ලැබ් පද්ධතිවල කෘත්රිම බුද්ධිය මත පදනම් වූ තත්කාලීන රූපකරණ පහසුකම් ඇතුළත් වන අතර, විකිරණ මාත්රාව අවම කරමින් ඉහළ ගුණාත්මක රූප ලබා ගැනීමේ හැකියාව පවතින බව සෞඛ්ය අමාත්යාංශය පවසයි.
මෙම පහසුකම් හරහා රෝග විනිශ්චය සහ ප්රතිකාර සේවාවන් කාර්යක්ෂම කරමින් රෝගීන්ගේ පොරොත්තු ලේඛන අවම කිරීමටත්, වඩාත් වේගවත් හා නිවැරදි ප්රතිකාර ලබාදීමටත් හැකි වනු ඇතැයි අපේක්ෂා කෙරේ.
තලපති විජේගෙන් උපදින සෑම දරුවෙකුටම රන් මුදුවක් 
ගායන ශිල්පී රුක්මන් අසිත අභාවප්රාප්ත වෙයි 
ශ්රී ලංකා ටෙස්ට් පිලට අවමන් සහගත පරාජයක් 
අද කාලගුණ නිවේදනය 
ලෝක ශූර ඉන්දියාව පරදා අයර්ලන්තය ලැබූ ඓතිහාසික තරගාවලි ජය 
යටියන්තොට පොලීසියේ ට්රැෆික් OIC රිමාන්ඩ් 
අනුරාධපුරයට පැමිණෙන සැදැහැවතුන්ට පොසොන් කමිටුවෙන් දැනුම්දීමක් 
එංගලන්තයෙන් බිහි වූ විශිෂ්ඨයා ජාත්යන්තර ක්රිකට් පිටියට සමුදෙයි 
ශ්රී ලංකා රුපියලෙහි දැවැන්ත අවප්රමාණයවීමක් 
සෞදියේ හෙලිකොප්ටර් අනතුරක්! 14ක් මරුට! 
සති අන්තයේ කාලගුණය 
ශ්රී ලංකා කාන්තා කණ්ඩායමේ බලාපොරොත්තු බොඳ වෙයි