‍සම්බාහන මධ්‍යස්ථානයකට පැන කාන්තාවන් තිදෙනෙක් දූෂණය කළ බවට චෝදනා එල්ල වූ පොලිස් කොස්තාපල් අත්අඩංගුවට

බොරැල්ල කාසල් වීදියේ පිහිටි සම්බාහන මධ්‍යස්ථානයකට ඇතුළු වී කළමණාකරු ඇතුළු කාන්තාවන් 04 දෙනෙක් බිය ගන්වා ඒ අතර සිටි කාන්තාවන් තිදෙනෙක් දූෂණය කර පළාගිය  පොලිස් බුද්ධි අංශයක් වන විශේෂ කාර්යාංශයේ සේවයේ නිරතව සිට වැඩ තහනමට ලක්වූ පොලිස් කොස්තාපල්වරයාව බොරැල්ල පොලිසිය අත්අඩංගුවට ගෙන තිබෙනවා.

මෙම කොස්තාපල්වරයා 2022 වසරේදී සිය පියාව ඝාතනය කිරීමට තැත් කිරීම සම්බන්ධයෙන් කාත්තන්කුඩි පොලීසිය මගින් අත්අඩංගුවට ගෙන රක්ෂිත බන්ධනාගාරගත කර සිටි අයෙක් බව පොලිසිය සඳහන් කරනවා.

ඔහුගේ වැඩ තහනම්කර තිබී ඇත්තේ එම සිදුවීම මුල්කරගෙනයි.

මෙම සැකකරු සමඟ පොලිස් විශේෂ කාර්යාංශයේ සේවයේ නිරතව සිටි කොස්තාපල්වරයෙක් සම්බාහන මධ්‍යස්ථානයට ගොස් කාන්තාවන් තිදෙනා දූෂණය කිරීමට සම්බන්ධව ඇතැයි පැවසෙනවා.

සම්බාහන ආයතනයෙන් මේ ගැන බොරැල්ල පොලීසියට ලබාදුන් දුරකථන ඇමතුමකට අනුව පොලිස් නිලධාරීන් පැමිණෙන විට එම කොස්තාපල්වරයා සම්බාහන මධ්‍යස්ථානය පිහිටි ගොඩනැගිල්ලෙහි ඉහළ මහලෙන් බිමට පැන තිබෙනව‍ා.

එහිදී තුවාල ලැබූ ඔහු කොළඹ ජාතික රෝහලේ මේ වන විට ප්‍රතිකාර ලබමින් සිටි. 

ඔහුගේ වැඩ තහනම් කිරීමට පොලිස් විශේෂ කාර්යාංශයේ නියෝජ්‍ය අධ්‍යක්ෂවරයා පියවර ගෙන තිබෙනවා.

(source – hiru news)