පාර්ලිමේන්තු මන්ත්‍රීවරුන්ගේ විශ්‍රාම වැටුප් අහෝසි කිරීම පිළිබඳ පනත් කෙටුම්පතට රාජ්‍ය පාලනය, යුක්තිය සහ සිවිල් ආරක්ෂණය පිළිබඳ ආංශික අධීක්ෂණ කාරක සභාවේ අනුමැතිය හිමිව තිබේ.
එම කාරක සභාවේ සභාපති පාර්ලිමේන්තු මන්ත්‍රී නජිත් ඉන්දික මහතා ප්‍රකාශ කළේ, කාරක සභාව රැස්වූ අවස්ථාවේදී මෙම පනත් කෙටුම්පත ඒකමතිකව සම්මත වූ බවයි.
මෙම පියවර “පොහොසත් රටක් ලස්සන ජීවිතයක්” ප්‍රතිපත්ති ප්‍රකාශනය මගින් ඉදිරිපත් කළ ප්‍රධාන පොරොන්දුවක් ඉටු කිරීමක් බව සභාපතිවරයා පෙන්වා දුන්නේය.
වසර කිහිපයක් පාර්ලිමේන්තුවේ රැඳී සිටීමෙන් අනතුරුව මන්ත්‍රීවරුන් ලබාගන්නා විශ්‍රාම වැටුප අහෝසි කිරීම මෙහි මූලික අරමුණයි. ඒ අනුව, දැනට ක්‍රියාත්මක වන 1977 අංක 1 දරන පාර්ලිමේන්තු මන්ත්‍රී විශ්‍රාම වැටුප් පනත මෙම නව පනත මගින් අහෝසි වීමට නියමිතය.
ලබන සතියේදී මෙම පනත් කෙටුම්පත පාර්ලිමේන්තුවේදී සම්මත කර ගැනීමට නියමිත අතර, ඉන් අනතුරුව පාර්ලිමේන්තු මන්ත්‍රීවරුන්ට කිසිදු විශ්‍රාම වැටුපක් හිමි නොවේ.
මෙය දේශපාලනය වෘත්තියක් නොව සේවයක් ලෙස පවත්වාගෙන යාමට අවස්ථාව සලසා දීමක් බවත්, රටේ දේශපාලන සංස්කෘතිය වෙනස් කිරීම සඳහා ගත් ඉතා වැදගත් පියවරක් බවත් නජිත් ඉන්දික මහතා වැඩිදුරටත් අවධාරණය කළේය.
අදත් කොළඹට මහ වැස්සක්! ප්රදේශ කිහිපයක් ජලයෙන් යටවෙයි! 
රාජ්‍ය මාධ්ය ආයතන තුනක් පාඩු ලබයි 
කුසල් මෙන්ඩිස්ගෙන් ශතකයක් 
රාජ්‍ය සේවය අලුත් කරයි 
ශ්‍රී ලංකාවේ මගී ඩ්රෝන යානා සේවාවේ පළමු නිල අත්හදා බැලීම අද 
සුගීෂ්වර යළි රිමාන්ඩ් 
හිරුණිකාගේ ඇපෑල විභාගයට ත්රිපුද්ගල විනිසුරු මඩුල්ලක් 
බලංගොඩ කස්සප හිමිට වරෙන්තු 
2027 අයවැය යෝජනා අවසන් ලේඛනය ජනපතිගේ නිරීක්ෂණයට 
ලාහෝර්හි දුමාරය හේතුවෙන් පාකිස්තාන – ශ්‍රී ලංකා දෙවැනි ටෙස්ට් තරගය රාවල්පිණ්ඩි වෙත මාරු කෙරේ 
කඩුගන්නාවෙන් වසා දැමුණු මහනුවර – කොළඹ ප්‍රධාන මාර්ගයේ කොටස යළි විවෘත කෙරේ! වාහන ගමනාගමනයට සීමා! 
හිටපු ජනපති රනිල්ගේ නඩුව අද යළි කැඳවයි