සෞදි අරාබියේදී ම#ණ දඬුවම නියම වී සිටින ශ්‍රී ලාංකික තරුණයෙකු වන සිවරාසා අනෝජන් මහතා සම්බන්ධයෙන් ගත හැකි ඉදිරි ක්‍රියාමාර්ග පිළිබඳ සොයා බැලීමේ විශේෂ සාකච්ඡාවක් ජනාධිපති අනුර කුමාර දිසානායක මහතාගේ ප්‍රධානත්වයෙන් අද (21) පස්වරුවේ ජනාධිපති කාර්යාලයේදී පැවැත්විණි.
මෙහිදී අදාළ තරුණයා බේරාගැනීම වෙනුවෙන් මේ වන විට ගෙන ඇති පියවර මෙන්ම ඉදිරියේදී ගත හැකි නීතිමය සහ රාජ්‍යතාන්ත්‍රික ක්‍රියාමාර්ග කඩිනම් කිරීම පිළිබඳව දීර්ඝ ලෙස සාකච්ඡා කෙරිණි.
සෞදි අරාබියේ අදාළ බලධාරීන් සමඟ අවශ්‍ය රාජ්‍යතාන්ත්‍රික මැදිහත්වීම් සිදු කරමින් ඉදිරි කටයුතු අඛණ්ඩව සිදු කරන ලෙස ජනාධිපතිවරයා නිලධාරීන්ට උපදෙස් දුන්නේය.
විදේශගත ශ්‍රී ලාංකිකයන්ගේ ආරක්ෂාව සහ සුභසාධනය වෙනුවෙන් රජයේ අවධානය යොමුව ඇති අතර, අදාළ අමාත්‍යාංශ සහ ආයතන අතර සමීප සම්බන්ධීකරණයකින් කටයුතු කිරීමේ අවශ්‍යතාව ජනාධිපතිවරයා පෙන්වා දුන්නේය.
නියෝජ්‍ය කථානායක රිස්වි සාලි, ආගමික සහ සංස්කෘතික කටයුතු නියෝජ්‍ය අමාත්‍ය මුනීර් මුලාෆර්, බස්නාහිර පළාත් ආණ්ඩුකාර හනීෆ් යූසුෆ්, විදේශ කටයුතු අමාත්‍යාංශයේ ලේකම් අරුණි රණරාජා, ආරක්ෂක අමාත්‍යාංශයේ ලේකම් විශ්‍රාමික එයාර් වයිස් මාර්ෂල් සම්පත් තුයියකොන්තා, නීතිපති පාරින්ද රණසිංහ යන මහත්ම මහත්මීන් ඇතුළු උසස් නිලධාරීහු පිරිසක් මෙම අවස්ථාවට එක්ව සිටියහ.
අදත් කොළඹට මහ වැස්සක්! ප්රදේශ කිහිපයක් ජලයෙන් යටවෙයි! 
රාජ්ය මාධ්ය ආයතන තුනක් පාඩු ලබයි 
කුසල් මෙන්ඩිස්ගෙන් ශතකයක් 
රාජ්ය සේවය අලුත් කරයි 
ශ්‍රී ලංකාවේ මගී ඩ්රෝන යානා සේවාවේ පළමු නිල අත්හදා බැලීම අද 
සුගීෂ්වර යළි රිමාන්ඩ් 
හිරුණිකාගේ ඇපෑල විභාගයට ත්රිපුද්ගල විනිසුරු මඩුල්ලක් 
බලංගොඩ කස්සප හිමිට වරෙන්තු 
2027 අයවැය යෝජනා අවසන් ලේඛනය ජනපතිගේ නිරීක්ෂණයට 
ලාහෝර්හි දුමාරය හේතුවෙන් පාකිස්තාන – ශ්‍රී ලංකා දෙවැනි ටෙස්ට් තරගය රාවල්පිණ්ඩි වෙත මාරු කෙරේ 
කඩුගන්නාවෙන් වසා දැමුණු මහනුවර – කොළඹ ප්‍රධාන මාර්ගයේ කොටස යළි විවෘත කෙරේ! වාහන ගමනාගමනයට සීමා! 
හිටපු ජනපති රනිල්ගේ නඩුව අද යළි කැඳවයි