මහවැලි ගඟ ද්‍රෝණියේ පහත්බිම් ආශ්‍රිත ප්‍රදේශ සඳහා ඉදිරි පැය 24ක කාලය තුළ සුළු ගංවතුර තත්ත්වයක් ඇතිවිය හැකි බව වාරිමාර්ග දෙපාර්තමේන්තුව පවසයි.
නිවේදනයක් නිකුත් කරමින් එම දෙපාර්තමේන්තුව සඳහන් කර ඇත්තේ මහවැලි ගඟෙහි ඇතැම් ධාරා ප්‍රදේශවලට පසුගිය ඇද හැලෙන වර්ෂාපතනය හේතුවෙන් මහවැලි ගඟ ද්‍රෝණියේ කින්නියා, මුතූර්, සේරුවිල, වැලිකන්ද, ලංකාපුර තමන්කඩුව හා දිඹුලාගල ප්‍රාදේශීය ලේකම් කොට්ඨාසවලට අයත් මහවැලි ගඟ ආසන්නයේ පහත්බිම් ප්‍රදේශවලට ඉදිරි පැය 24ක කාලය තුළ සුළු ගංවතුර තත්ත්වයක් ඇතිවිය හැකි බවය.
තවද මඩකලපුව – පොළොන්නරුව මාර්ගය ගල්ලෑල් ප්‍රදේශයෙන්ද, සෝමාවතිය රජමහා විහාර පිවිසුම් මාර්ගයද, සෝමාවති රජමහා විහාරය අවට ප්‍රදේශයටද සුළු ගංවතුර තත්ත්යක් ඇතිවීමේ අවධානමත් මතුව ඇති බැවින් ඉදිරි දින කිහිපය පසුවන තෙක් සෝමාවති රජමහා විහාරය වෙත ගමන් කරන බැතිමතුන් මෙන්ම එම ප්‍රදේශවල මහවැලි ගඟට ආසන්නව පදිංචි ජනතාවද ඒ සම්බන්ධව විමසිල්ලෙන් යුතුව කටයුතු කරන ලෙසත් වාරිමාර්ග දෙපාර්තමේන්තුව සියලු පාර්ශ්වයන් වෙත දැනුම්දී තිබේ.
එමෙන්ම වාරිමාර්ග දෙපාර්තමේන්තුව විසින් මෙම අනතුරු ඇඟවීමේ නිවේදනය 23 වැනිදා මධ්‍යම රාත්‍රී 12 දෙක් බලපැවැත්වෙන බවද සඳහන් කර ඇත.
අදත් කොළඹට මහ වැස්සක්! ප්‍රදේශ කිහිපයක් ජලයෙන් යටවෙයි! 
රාජ්ය මාධ්ය ආයතන තුනක් පාඩු ලබයි 
කුසල් මෙන්ඩිස්ගෙන් ශතකයක් 
රාජ්ය සේවය අලුත් කරයි 
ශ්‍රී ලංකාවේ මගී ඩ්රෝන යානා සේවාවේ පළමු නිල අත්හදා බැලීම අද 
සුගීෂ්වර යළි රිමාන්ඩ් 
හිරුණිකාගේ ඇපෑල විභාගයට ත්රිපුද්ගල විනිසුරු මඩුල්ලක් 
බලංගොඩ කස්සප හිමිට වරෙන්තු 
2027 අයවැය යෝජනා අවසන් ලේඛනය ජනපතිගේ නිරීක්ෂණයට 
ලාහෝර්හි දුමාරය හේතුවෙන් පාකිස්තාන – ශ්‍රී ලංකා දෙවැනි ටෙස්ට් තරගය රාවල්පිණ්ඩි වෙත මාරු කෙරේ 
කඩුගන්නාවෙන් වසා දැමුණු මහනුවර – කොළඹ ප්‍රධාන මාර්ගයේ කොටස යළි විවෘත කෙරේ! වාහන ගමනාගමනයට සීමා! 
හිටපු ජනපති රනිල්ගේ නඩුව අද යළි කැඳවයි