ඉරානයේ ‘ඛනිජ තෙල් ජීවනාලිය’ ලෙස සැලකෙන කාර්ග් දූපත (Kharg Island) ඉලක්ක කරගනිමින් අමෙරිකානු මධ්යම අණදෙන ඒකකය (CENTCOM) විසින් ප්රබල බෝම්බ ප්රහාරයක් එල්ල කර තිබේ. මැදපෙරදිග ඉතිහාසයේ එල්ල වූ ප්රබලතම බෝම්බ ප්රහාරයක් ලෙස මෙය හැඳින්වෙන අතර, කාර්ග් දූපතේ පිහිටි සෑම ඉරාන හමුදා ඉලක්කයක්ම සම්පූර්ණයෙන්ම විනාශ කළ බව ජනාධිපති ඩොනල්ඩ් ට්රම්ප් සිය ‘Truth Social’ ගිණුම හරහා තහවුරු කළේය.
ඉරාන වෙරළට නාවික සැතපුම් 15ක් පමණ දුරින් පිහිටි සැතපුම් 5ක පමණ දිගින් යුත් මෙම කුඩා දූපත ඉරානයේ ප්රධානතම බොරතෙල් අපනයන පර්යන්තයයි. ඉරානය සිය බොරතෙල් අපනයනයෙන් 90%ක්ම සිදුකරන්නේ මෙම දූපත හරහා වන අතර, ඉරානයේ විශාලතම තෙල් ගැණුම්කරුවා වන චීනය වෙත තෙල් ප්රවාහනය කරන්නේ ද මෙම මධ්යස්ථානයෙනි.
මෙම ප්රහාරයේදී දූපතේ ඇති ඉන්ධන යටිතල පහසුකම්වලට හානි නොකිරීමට තීරණය කළ බව පවසන ජනාධිපති ට්රම්ප්, ඉරානය හෝ වෙනත් ඕනෑම පාර්ශවයක් හෝමූස් සමුද්ර සන්ධියේ නෞකා ගමනාගමනයට බාධා කළහොත් එම තීරණය වහාම වෙනස් කර තෙල් පර්යන්ත ද විනාශ කරන බවට අනතුරු ඇඟවීය.
විදෙස් වාර්තා වැඩිදුරටත් සඳහන් කරන්නේ කාර්ග් දූපතේ පාලනය අත්පත් කර ගැනීම සඳහා විශේෂ හමුදා ඒකක හෝ මැරීන් භටයින් (Marines) යැවීමට ජනාධිපති ට්රම්ප් සිය අවධානය යොමු කර ඇති බවයි. මේ වන විටත් නාවික යාත්රා සහ මැරීන් භටයින් 2,500ක අතිරේක බලඇණියක් මැදපෙරදිග කලාපයට යොමු කර තිබේ.

දේශීය අල කිලෝවකට හෙට සිට සහතික මිලක්
ටිල්වින් සිල්වා පහර කෑමකට ලක්ව රෝහල්ගතව ප්රතිකාර ලබන කතාවේ ඇත්ත නැත්ත මෙන්න
රතුගල නව ආදිවාසී නායකයා ලෙස නිශාන්ත කුමාර පත් කරයි
කඩුවෙල ඇතුළු ප්රදේශ රැසකට හදිසි ජල කප්පාදුවක්
අටමස්ථානාධිපති පූජ්ය පල්ලේගම හේමරතන හිමි රිමාන්ඩ් කිරීමට නියෝගයක්
අල්ලස් සිද්ධියකට අත්අඩංගුවට ගත් කුරුණෑගල නියෝජ්ය පුරපතිගේ පක්ෂ සාමාජිකත්වය අත්හිටුවයි
කපිලගේ මරණය පිළිබඳ විමර්ශන CCDය යටතට
මහ බැංකු සතු විදෙස් සංචිතයේ පහත වැටීමක්
හිටපු ජනපති මහින්දට අල්ලස් කොමිසමෙන් කැඳවීමක්
විදුලි බිල යළිත් ඉහළට
කපිල චන්ද්රසේනගේ මරණ පරීක්ෂණය අද පෙරවරුවේ