නවතම ටෙස්ට් ශ්‍රේණිගත කිරීම් නිකුත් වෙයි! ශ්‍රී ලංකාවට හිමි ස්ථානය මෙන්න!

අන්තර්ජාතික ක්‍රිකට් කවුන්සිලය නිකුත් කළ නවතම ටෙස්ට් කණ්ඩායම් ශ්‍රේණිගත කිරීම්වල ප්‍රසාද ලකුණු 119ක් ලබා ගනිමින් පෙරමුණ ගැනීමට ඕස්ට්‍රේලියාව සමත්ව ඇත.

මෙම ශ්‍රේණිගත කිරීම්වල කැපී පෙනෙන වෙනසක් සිදු කරමින් ඉන්දියාව සිව්වන ස්ථානයේ සිට තෙවන ස්ථානය දක්වා ඉදිරියට පැමිණ තිබේ. ඔවුන් ලබාගෙන ඇති ප්‍රසාද ලකුණු සංඛ්‍යාව 104කි.

දකුණු අප්‍රිකාව ද ප්‍රසාද ලකුණු 104ක් ලබාගෙන දෙවන ස්ථානය රැකගෙන සිටියද, දශම ලකුණු පදනම මත ඉන්දියාවට වඩා ඉදිරියෙන් පසුවේ. මීට පෙර තෙවන ස්ථානයේ පසු වූ එංගලන්තය ප්‍රසාද ලකුණු 102ක් සමඟින් සිව්වන ස්ථානය දක්වා පසුබැස තිබේ.

පසුගිය කාලසීමාවේ ක්‍රීඩා කළ ටෙස්ට් තරගාවලිවල ප්‍රතිඵල මත ශ්‍රී ලංකා කණ්ඩායම ප්‍රසාද ලකුණු 86ක් ලබා ගනිමින් ශ්‍රේණිගත කිරීම්වල 07 වන ස්ථානය දක්වා පසුබැස ඇත. නවසීලන්තය 05 වන ස්ථානයේත්, පාකිස්තානය 06 වන ස්ථානයේත් පසුවේ.

ශ්‍රේණිගත කිරීම්වල අවසන් ස්ථාන පිළිවෙළින් බංග්ලාදේශය (08), බටහිර ඉන්දීය කොදෙව් (09), අයර්ලන්තය (10), සිම්බාබ්වේ (11) සහ ඇෆ්ගනිස්ථානය (12) විසින් හිමිකරගෙන තිබේ.