ශ්රී ලංකා ක්රිකට් ක්රීඩාවේ අභිමානය යළි ස්ථාපිත කිරීම සහ එහි පාලන ව්යුහය සම්පූර්ණයෙන්ම ප්රතිසංස්කරණය කිරීම සඳහා පත් කළ “ක්රිකට් පරිවර්තනය කිරීමේ කමිටුවේ” සභාපතිත්වය ඉරාන් වික්රමරත්න මහතා විසින් භාරගෙන තිබේ.
ජනාධිපති අනුර කුමාර දිසානායක මහතා සහ ක්රීඩා අමාත්ය සුනිල් ගමගේ මහතා කළ ආරාධනයක් අනුව තමා මෙම වගකීම භාරගත් බව ඒ මහතා නිල නිවේදනයක් නිකුත් කරමින් සඳහන් කරයි.
– උපුටා ගැනීම –
නිර්මල ප්රතිරූපයක් සහ මනා පළපුරුද්දක් සහිත පුද්ගලයන් නව දෙනෙකුගෙන් යුත් කමිටුවකට නායකත්වය දීමට ලැබීම මා ලද ගෞරවයකි.
රොෂාන් මහානාම, සිදත් වෙත්තමුනි, කුමාර් සංගක්කාර, තුෂිර රදැල්ල, අවන්නි කොළඹගේ, ප්රකාශ් ෂාෆ්ටර්, උපුල් කුමාරප්පෙරුම හා ඩිනාල් පිලිප්ස් යන මහත්ම මහත්මීන්ගෙන් සමන්විත මෙම කණ්ඩායම, ක්රිකට් ක්ෂේත්රයේ විශිෂ්ඨත්වය, ආයතනික කළමනාකරණය සහ නීතිමය ප්රවීණතාවයේ දුර්ලභ සංකලනයක් නියෝජනය කරයි.
අපගේ කමිටුවේ එකම සහ අවංක අභිප්රාය වන්නේ ශ්රී ලංකා ක්රිකට් ක්රීඩාවේ අභිමානය සහ දක්ෂතාවය යළි ස්ථාපිත කිරීමයි.
පහත සඳහන් ප්රධාන කුළුණු දෙක ඔස්සේ අපි මෙම දැක්ම සාක්ෂාත් කර ගැනීමට බලාපොරොත්තු වෙමු:
1. ප්රශස්ත පාලනය නංවාලීම
අපගේ මූලික ප්රමුඛතාවය වන්නේ ශ්රී ලංකා ක්රිකට් ආයතනයේ පාලන ව්යුහය සම්පූර්ණයෙන්ම ප්රතිසංස්කරණය කිරීමයි. මෙහි මූලික පියවර ලෙස, ක්රීඩාව සඳහා ශක්තිමත් සහ නූතන පදනමක් සපයන යෝජිත නව ව්යවස්ථාව ක්රියාත්මක කිරීමට අපි කටයුතු කරන්නෙමු. ජාත්යන්තර ක්රිකට් කවුන්සිලයේ (ICC) රීතීන්ට පූර්ණ ලෙස අනුකූල වෙමින්, විනිවිදභාවය, දූෂණ විරෝධය සහ වෘත්තීයවේදීත්වය ආයතනයේ පදනමටම බද්ධ කිරීමට අපි කැපවී සිටිමු. දක්ෂතාවයට මුල්තැන දෙන සහ මූල්ය වගකීම් සහිත සංස්කෘතියක් ඇති කිරීම හරහා ශ්රී ලංකා ක්රිකට් ආයතනය කෙරෙහි මහජන විශ්වාසය යළි ගොඩනැගීම අපගේ අරමුණයි.
2. පිටිය තුළ විශිෂ්ඨත්වය
පරිපාලනමය විශිෂ්ඨත්වය යනු ක්රීඩක දක්ෂතාවල පදනමයි. ජාතික කණ්ඩායම් ශක්තිමත් කිරීම සඳහා අවශ්ය ව්යුහයන්, ලෝක මට්ටමේ පහසුකම් සහ දිරිගැන්වීමේ ක්රමවේදයන් සැකසීම කෙරෙහි අපි අවධානය යොමු කරන්නෙමු. අපගේ ඉලක්කය වන්නේ ක්රීඩකයන්ට අඛණ්ඩව ලෝක මට්ටමේ දක්ෂතා දැක්වීමට මග පාදාදෙමින්, ශ්රී ලංකාව ජාත්යන්තර ශ්රේණිගත කිරීම්වල ඉහළම තලයට යළි රැගෙන ඒමයි.
පාසල් සහ ක්රීඩා සමාජ මට්ටමේ ක්රීඩකයෙකු ලෙස මෙන්ම ඉන් පසුවත් මම ක්රිකට් ක්රීඩාව කෙරෙහි දැඩි උනන්දුවක් දැක්වූවෙමි. මෙරට ක්රිකට් ක්රීඩාවේ අනාගතය යහපත් මගට හැරවීමට නායකත්වය දීමට ලැබීම මා ලද භාග්යයක් වන අතර මම එය ඉතා බැරෑරුම් වගකීමක් ලෙස සලකමි.
මෙරට සුවහසක් ක්රීඩා ලෝලීන්ගේ සහයෝගය සහ නිර්මාණාත්මක විවේචන මම අපේක්ෂා කරන අතර, ඔබගේ ඉමහත් උද්යෝගයට සාධාරණයක් ඉටු කරමින් ස්ථිරසාර ප්රතිඵල ලබා දීමට මම ප්රතිඥා දෙමි.
– උපුටා ගැනීම අවසන් –
ශ්රී ලංකාවේ ඉතාලි තානාපති සහ ආරක්ෂක ලේකම්වරයා අතර විශේෂ හමුවක් 
හිටපු නියෝජ්ය ඇමති සරණට එරෙහි නඩු හතරක තීන්දු ප්රකාශය කල් යයි 
ඩොලර් මිලියන 2.5 ගැන මුදල් අමාත්යාංශයෙන් විශේෂ නිවේදනයක් 
මුදල් අමාත්යාංශ ලේකම් හර්ෂණ සූරියප්පෙරුමගේ තීරණය වෙනස් වෙයි 
බොරතෙල් බැරලයක මිල වාර්තාගත ලෙස ඉහළ යයි 
අස්ථානගත වූ ඩොලර් මිලියන 2.5 ගැන ජනපතිගෙන් විශේෂ ප්රකාශයක් 
සනත් ජයසූරියගේ වසර 18ක් පැරණි IPL වාර්තාවක් බිඳවැටෙයි 
වෛද්යවරියන් නාන දසුන් රූගත කළ 19න් පහළ ජාතික ක්රිකට් ක්රීඩකයමේ ක්රීඩකයින්ට වැඩ වරදියි 
පක්ෂ සාමාජිකත්වයෙන් වහාම ඉල්ලා අස්වෙන්න! සජබයෙන් එරාන් වික්රමරත්නට දැනුම්දීමක්! 
දඹුල්ලේ අවන්හලකට රුපියල් 510,000 ක දඩ 
මුදල් කාරක සභාවට එන්න බෑ – මුදල් ලේකම් කියයි 
සිංගර් වෙතින් දැවැන්ත ආයෝජනයක්