බොරතෙල් මිල යළිත් කැපී පෙනෙන ලෙස ඉහළට

ගෝලීය බලශක්ති වෙළෙඳපොළේ බොරතෙල් මිල ගණන් අද (03) දිනයේදී සැලකිය යුතු වර්ධනයක් පෙන්නුම් කර තිබේ. ඒ අනුව, ජාත්‍යන්තර වෙළෙඳපොළේ ප්‍රධාන බොරතෙල් වර්ග තුනෙහිම මිල ගණන් ඉහළ යාම කැපී පෙනේ.

නවතම දත්තවලට අනුව, WTI බොරතෙල් බැරලයක මිල අමෙරිකානු ඩොලර් 94.92ක් දක්වා ඉහළ ගොස් ඇති අතර, එය සියයට 1.24ක වර්ධනයකි. එසේම, ගෝලීය තෙල් මිල තීරණය කිරීමේ ප්‍රමිතිය වන බ්‍රෙන්ට් (Brent) බොරතෙල් බැරලයක මිල ඩොලර් 97.04ක් දක්වා ඉහළ ගොස් ඇති අතර එහි වැඩිවීම සියයට 1.08ක් වේ.

මීට අමතරව, එක්සත් අරාබි එමීර් රාජ්‍යයේ මර්බන් (Murban) බොරතෙල් බැරලයක මිල සියයට 1.76කින් ඉහළ ගොස් ඩොලර් 96.09ක් ලෙස සටහන් විය.