ඉංජිනේරු සංස්ථාවේ වාහන අවභාවිත කර රජයට පාඩුවක් සිදු කළැයි කියන සිද්ධියට අදාළව හිටපු අමාත්ය විමල් වීරවංශගේ සහෝදරයකු වන සරත් වීරවංශගේ විදේශ ගමන් තහනම් කිරීමට කොටුව මහේස්ත්රාත් පසන් අමරසේන අද (10) නියෝගයක් නිකුත් කළා.
අපරාධ පරීක්ෂණ දෙපාර්තමේන්තුවේ මූල්ය අපරාධ ඒකකය විසින් කරන ලද ඉල්ලීමකට අනුව මහේස්ත්රාත්වරයා විසින් මෙම නියෝගය නිකුත් කරනු ලැබුවා.
මෙම සිද්ධියට අදාළව මෝසමක් ගොනු කරමින් අපරාධ පරීක්ෂණ දෙපාර්තමේන්තුවේ මූල්ය අපරාධ ඒකකය අධිකරණය හමුවේ කරුණු දක්වමින් කියා සිටියේ, අදාල වාහන අවභාවිතය සම්බන්ධයෙන් සරත් වීරවංශ සැකකරුවෙකු ලෙස නම් කරන බවයි.
එහිදී මූල්ය අපරාධ ඒකකයේ නිලධාරීන් අධිකරණය හමුවේ වැඩිදුරටත් ප්රකාශ කර සිටියේ නීතිපතිවරයාගේ උපදෙස් පරිදි මෙම සැකකරු නම් කිරීමට පියවර ගත් බවයි.
ඒ අනුව, සැකකරු විදේශගත වීම වළක්වාලීම සඳහා ඔහුට එරෙහිව විදෙස් ගමන් තහනමක් පනවන ලෙස අපරාධ පරීක්ෂණ දෙපාර්තමේන්තුව අධිකරණයෙන් ඉල්ලා සිටි අතර, ඉදිරිපත් වූ කරුණු සලකා බැලූ මහේස්ත්රාත්වරයා එම විදෙස් ගමන් තහනම් කිරීමේ නියෝගය නිකුත් කළා.
එම නියෝගය ආගමන විගමන පාලකවරයා වෙත වහාම දැනුම් දෙන ලෙසද අධිකරණ රෙජිස්ට්රාර්වරයාට මහේස්ත්රාත්වරයා නියෝග කළා.
රුමේෂ් තරංග ලෝකයෙන්ම 3වැනි ස්ථානයට 
මහ බැංකු තීරණයෙන් පසු ඩොලරයේ සිදු වූ වෙනස 
ශ්රීලංකන් ගුවන් සමාගමේ සභාපති පුටුව ඩිමාල් අරන්දර 
මා ඔය පාලම මතින් යන වාහන වලට දැනුම්දීමක් 
ගෝල්ෆේස් මුහුදු තීරයේ ඛේදවාචකයක්! සිසුන් තිදෙනෙක් ගසාගෙන යයි! 
පානීය ජල බෝතල් සඳහා උපරිම සිල්ලර මිලක් පනවයි 
විභාග දෙපාර්තමේන්තුවෙන් නිවේදනයක්! පිළිතුරු පත්ර ඇගයීමට අයදුම්පත් කැඳවයි! 
හිටපු මහ ඇමති ශාන් විජයලාල් ද සිල්වා රක්ෂිත බන්ධනාගාරගත කිරීමට නියෝගයක් 
සලේගේ තත්ත්වය පරීක්ෂා කිරීමට පංච පුද්ගල වෛද්ය මණ්ඩලයක් 
සලේ වෙනුවෙන් පැවැත් වූ සත්යග්රහය අවසන් 
රුපියල නැගිටියි