පාපන්දු ලෝක කුසලානයේ දෙවන වටයට සුදුසුකම් ලැබූ පළමු කණ්ඩායම බවට මෙක්සිකෝව පත්වෙයි

ලෝක කුසලාන පාපන්දු තරගාවලියේ සත්කාරක මෙක්සිකෝව සහ දකුණු කොරියාව අතර මෙරට වේලාවෙන් අද (19) උදෑසන අවසන් වූ තියුණු තරගයෙන් ගෝල 1-0ක විශිෂ්ට ජයක් වාර්තා කිරීමට සත්කාරක මෙක්සිකෝ කණ්ඩායම සමත් විය. මෙම ජයග්‍රහණයත් සමඟ මෙවර ලෝක කුසලාන තරගාවලියේ පිළිමළුන් පිටුදැකීමේ අදියර හෙවත් අවසන් 32 දෙනාගේ වටයට සුදුසුකම් ලැබූ ප්‍රථම කණ්ඩායම බවට පත්වීමට ද මෙක්සිකෝවට හැකි විය.

මෙක්සිකෝවේ Estadio Akron ක්‍රීඩාංගණයේ 46,000කට අධික ප්‍රේක්ෂක සහභාගිත්වයක් මැද පැවති මෙම තරගය, ආරම්භයේ සිටම කණ්ඩායම් දෙක අතර ඉතා උණුසුම් මුහුණුවරක් ගත්තේය. තරගයේ පළමු අර්ධය පුරා දෙපිලේම ආරක්ෂක වළලු දැඩිව ක්‍රියාත්මක වූ බැවින් කිසිදු කණ්ඩායමකට ගෝලයක් රැස් කිරීමට අවස්ථාවක් හිමි වූයේ නැත.

කෙසේ වෙතත් දෙවන අර්ධය ආරම්භ වී සුළු මොහොතකින්, එනම් 50 වැනි මිනිත්තුවේදී ක්‍රියාත්මක වූ ලුයිස් රොමෝ දකුණු කොරියානු ආරක්ෂක වළල්ල සාර්ථකව බිඳ දමමින් මෙක්සිකෝව වෙනුවෙන් ජයග්‍රාහී ගෝලය වාර්තා කළේය. ඉන් අනතුරුව දකුණු කොරියානු ක්‍රීඩකයින් තරගයට අවතීර්ණ වීමට දැඩි උත්සාහයක නිරත වුවද, මෙක්සිකෝ ආරක්ෂක වළල්ල සාර්ථකව බිඳ දැමීමට ඔවුන්ට නොහැකි විය.

මෙම ජයත් සමඟ මෙක්සිකෝ කණ්ඩායම ලෝක ශ්‍රේණිගත කිරීම්හි 14 වැනි ස්ථානයේ සිට ස්ථාන තුනක් ඉදිරියට පැමිණ 11 වැනි ස්ථානය දක්වා ඉහළට පැමිණ ඇත. දකුණු කොරියාව මේ වන විට එම ශ්‍රේණිගත කිරීම්හි 24 වැනි ස්ථානයේ පසුවේ. තවද, මෙක්සිකෝව මේ වන විට තමන් ක්‍රීඩා කළ තරග දෙකම ජයගෙන ‘A’ කාණ්ඩයේ ප්‍රසාද ලකුණු සටහනේ පෙරමුණ ද අත්පත් කරගෙන සිටියි.