සාමාජ මාධ්ය තුළ මේ දිනවල සැරිසරන මැදවච්චිය ප්රදේශයේ කොණ්ඩා කැපීමේ ව්යාපාරික ස්ථානයකට ඇතුළු වූ පුද්ගලයෙකු විසින් කප්පම් ඉල්ලා එහි හිමිකරුට පහරදීමට අදාළ සිද්ධියේ සැකකරු ඊයේ(17) මැදවච්චිය පොලීසිය විසින් අත්අඩංගුවට ගෙන තිබෙනවා.
ඒ අදාළ සිදුවීම සම්බන්ධයෙන් මැදවච්චිය පොලිස් ස්ථානයට ලැබුණු පැමිණිල්ලකට අනුවයි.
එහිදී ක්රියාත්මක වූ පොලීසිය වීඩියෝ දර්ශන ඔස්සේ විමර්ශනයක් සිදුකළ අතර සිද්ධියට සම්බන්ධ සැකකරු හා සැකකරු විසින් පහර දීමට යොදා ගත් තියුණු ආයුධයක් පොලිස් භාරයට ගෙන තිබෙනවා.
මෙලෙස අත්අඩංගුවට ගත් සැකකරු වයස අවුරුදු 29 ක් වන මැදවච්චිය ප්රදේශයේ පදිංචිකරුවෙක්.
මෙම පහරදීම කප්පම් ලබාගැනීමේ අරමුණින් සිදුකළ පහරදීමක් නොවන බවත්, සැකකරු හා ව්යාපාරික ස්ථානයේ හිමිකරු අතර තිබූ පැරණි ආරවුලක් හේතුවෙන් සිදුකළ පහරදීමක් බවත්, දැනට සිදුකරන ලද විමර්ශනයේදී කරුණු අනාවරණය වී ඇති බව පොලීසිය සඳහන් කරනවා.
සැකකරු අද(18) දින මැදවච්චිය ගරු මහේස්ත්රාත් අධිකණයට ඉදිරිපත් කිරීමට නියමිතව ඇති අතර මැදවච්චිය පොලිසිය විසින් වැඩිදුර විමර්ශන සිදුකරනු ලබයි.
මෙම සිදුවීම පසුගිය(09) දිනක මැදවච්චිය ප්රදේශයේ කොණ්ඩා කැපීමේ ව්යාපාරික ස්ථානයක සිදු වූවක් වන අතර එම ව්යාපාරික ස්ථානයකට ඇතුළු වූ පුද්ගලයෙකු විසින් කප්පම් ඉල්ලා එහි හිමිකරුට පහරදෙන ආකාරයේ දර්ශනයක් පසුගිය දිනවල සමාජ මාධ්ය හා විද්යුත් මාධ්ය ඔස්සේ සංසරණය වී සමාජය තුළ වැඩි කතාබහකට ලක් වුණා.
වනිඳු යළිත් මුල් 10 අතරට! වෙල්ලාලගේටත් විශිෂ්ට ප්රගතියක්! 
පාස්කු විමර්ශන ගැන එජාපෙන් නිවේදනයක් 
ශ්රී ලංකාවට වැඩිම මුදලක් එවන ලාංකිකයන් සිටින රටවල් 
සුගීෂ්වර බණ්ඩාරට අධිකරණයෙන් දුන් නියෝගය 
ෆේස්බුක් සඳහා නව විශේෂාංග කිහිපයක් හඳුන්වා දෙයි 
ලක්ෂ 600කට ආසන්න මුදලක් වංචා කළ ව්යාජ වෛද්යවරියක් අත්අඩංගුවට 
උප තැපැල් ස්ථානාධිපතිවරුන් 192කට ස්ථිර පත්වීම් 
භාණ්ඩාගාර බිල්පත් පොලිය පහතට 
කාලගුණයෙන් අවවාදාත්මක නිවේදනයක් 
අස්වැසුම ප්රතිලාභීන්ට දැනුම්දීමක් 
පාසල් නේවාසිකාගාර නවීකරණයට දැවැන්ත මුදලක් වෙන් කරයි 
ටිකෙන් ටික ශක්තිමත් වන ශ්රී ලංකා රුපියල