බටහිර සහ ආයුර්වේද වෛද්යවරියක ලෙස ව්යාජ ලෙස පෙනී සිටිමින් පුද්ගලයන් රවටා රුපියල් කෝටි 6කට ආසන්න මුදලක් වංචා කළ නිත්යානුකූල නොවන වෛද්යවරියක් හොරණ කොට්ඨාස විශේෂ අපරාධ විමර්ශන අංශය මගින් අත්අඩංගුවට ගෙන තිබේ.
මෙසේ අත්අඩංගුවට පත්ව ඇත්තේ ගිරිබාව ප්රදේශයේ පදිංචිව සිට පසුව හොරණ ප්රදේශයේ නිවාස සංකීර්ණයක පදිංචිව සිටි 53 හැවිරිදි අවිවාහක කාන්තාවකි.
පොලිස් පරීක්ෂණවලට අනුව සැකකාරිය දීර්ඝ කාලයක සිට මෙම ජාවාරම මෙහෙයවා ඇත.
ඇය ජනතාව මුලා කිරීම සඳහා කුලී පදනම මත සුඛෝපභෝගී මෝටර් රථ ලබාගෙන, ඒවායේ වෛද්ය ලාංඡනය ප්රදර්ශනය කරමින් විවිධ ප්රදේශවල නොමිලේ වෛද්ය සායන පවත්වා ඇත.
එමෙන්ම විවිධ රෝග සඳහා විදේශ රටවලින් සුවිශේෂී ඖෂධ ගෙන්වන බව පවසා රෝගීන්ගේ විශ්වාසය දිනාගෙන ඇතත්, ඇය ලබාදී ඇත්තේ මෙරට භාවිතය සඳහා අනුමත නොකළ, ප්රමිතියෙන් තොර ඖෂධ බවත් හෙළි වී තිබේ.
එලෙස විදේශයන්ගෙන් ඇණවුම් කළ ඖෂධ බහාළුම් කොළඹ වරායට පැමිණ ඇති බවත්, ඒවා මුදා ගැනීමට මුදල් අවශ්ය බවත් පවසා ඇත. පසුව නැවත ලබා දෙන පොරොන්දුව මත වසර එකහමාරක පමණ කාලයක සිට විවිධ පුද්ගලයන්ගෙන් රුපියල් කෝටි 6කට ආසන්න මුදලක් වංචා කර ඇත.
සැකකාරිය විසින් ගම්පහ, මදුරාවල, මිල්ලනිය, බණ්ඩාරගම, හොරණ සහ ඉංගිරිය යන ප්රදේශවල සාමාන්ය වැසියන් පමණක් නොව, එම ප්රදේශවල ප්රසිද්ධ විහාරස්ථානවල වැඩවාසය කරන නායක හිමිවරුන් ද රවටා මෙසේ මුදල් ලබාගෙන ඇති බවට පොලිසියට පැමිණිලි ලැබී තිබේ.
ඇයගේ වෛද්ය සුදුසුකම් සම්බන්ධයෙන් සැක සිතී පොලිසිය විසින් ශ්රී ලංකා වෛද්ය සභාවෙන් සහ ආයුර්වේද වෛද්ය සභාවෙන් සිදුකළ විමසීම්වලදී, ඇය කිසිදු වෛද්ය සභාවක ලියාපදිංචි වී නොමැති ව්යාජ වෛද්යවරියක බව නිල වශයෙන් තහවුරු වී ඇත.
වංචා කරන ලද කෝටි සංඛ්යාත මුදලට සිදුවූයේ කුමක්ද යන්න මෙතෙක් අනාවරණය වී නොමැති වුවද, සැකකාරියගේ නමින් ව්යාජ සමාගම් දෙකක් ලියාපදිංචි කර ඇති බව පොලිසිය සොයාගෙන ඇත.
එම ව්යාජ සමාගම් නාමයන් භාවිත කරමින්, වංචා කළ මුදල් ඩොලර් බවට පත්කර විදේශ රටවලින් භාණ්ඩ ගෙන්වන මුවාවෙන් රටින් පිටකර ඇති දැයි සෙවීමට පොලිසිය පුළුල් පරීක්ෂණ අරඹා තිබේ.
හොරණ කොට්ඨාස භාර ජ්යෙෂ්ඨ පොලිස් අධිකාරී නිශාන් ද සිල්වා සහ සහකාර පොලිස් අධිකාරී බී.එම්. ඒකනායක යන මහත්වරුන්ගේ උපදෙස් මත, හොරණ විශේෂ අපරාධ විමර්ශන ඒකකයේ ස්ථානාධිපති ප්රධාන පොලිස් පරීක්ෂක ධම්මික නවරත්න මහතාගේ මෙහෙයවීමෙන් පො.සැ (58653) ජයන්ත, (71385) සංජීව, (71389) අසංක, (60604) සුභසිංහ සහ කා.පො.සැ (2015) දිලීප යන නිලධාරීහු ඉදිරි විමර්ශන සිදුකරති.
වනිඳු යළිත් මුල් 10 අතරට! වෙල්ලාලගේටත් විශිෂ්ට ප්රගතියක්! 
පාස්කු විමර්ශන ගැන එජාපෙන් නිවේදනයක් 
ශ්රී ලංකාවට වැඩිම මුදලක් එවන ලාංකිකයන් සිටින රටවල් 
සමාජ මාධ්ය කැළඹූ මැදවච්චිය සැලූන් සිද්ධියේ සැකකරු දැලේ 
සුගීෂ්වර බණ්ඩාරට අධිකරණයෙන් දුන් නියෝගය 
ෆේස්බුක් සඳහා නව විශේෂාංග කිහිපයක් හඳුන්වා දෙයි 
උප තැපැල් ස්ථානාධිපතිවරුන් 192කට ස්ථිර පත්වීම් 
භාණ්ඩාගාර බිල්පත් පොලිය පහතට 
කාලගුණයෙන් අවවාදාත්මක නිවේදනයක් 
අස්වැසුම ප්රතිලාභීන්ට දැනුම්දීමක් 
පාසල් නේවාසිකාගාර නවීකරණයට දැවැන්ත මුදලක් වෙන් කරයි 
ටිකෙන් ටික ශක්තිමත් වන ශ්රී ලංකා රුපියල