මාතර තලල්ලේදී පෞද්ගලික බස් රථ දෙකක් ගැටී දරුණු අනතුරක්! 40කට ආසන්න පිරිසක් රෝහලට!

තංගල්ල – මාතර ප්‍රධාන මාර්ගයේ තලල්ල ප්‍රදේශයේදී අද දින පෞද්ගලික මගී ප්‍රවාහන බස් රථ දෙකක් එකිනෙක ගැටීමෙන් දරුණු රථවාහන අනතුරක් සිදුව ඇති බව පොලිසිය පවසයි.

එම අනතුර හේතුවෙන් 40 දෙනෙකුට අධික පිරිසක් තුවාල ලබා රෝහල් ගත කර ඇති බව පොලීසිය සඳහන් කළේය.

ගාල්ල සිට අම්පාර දක්වා ධාවනය වූ බස් රථයක් සහ තංගල්ල සිට මාතර දක්වා ධාවනය වූ බස් රථයක් මෙලෙස මුහුණට මුහුණ ගැටී ඇත.

අනතුරින් තුවාල ලැබූවන් මාතර සහ බතීගම රෝහලට ඇතුළත් කර ඇති බවද පොලීසිය සඳහන් කළේය.