අද රාත්‍රියේ සිට සපුගස්කන්නද පිරිපහදුව යළි වසා දැමීමට තීරණයක්!

අද (24) රාත්‍රියේ සිට සපුගස්කන්නද පිරිපහදුව යළි වසා දැමීමට තීරණය කළ බව ලංකා ඛණිජ තෙල් නීතිගත සංස්ථාවේ ඉංජිනේරු සංගමය පවසනවා.

ඒ තවමත් බොරතෙල් නැවක පැමිණිම පිළිබඳව දැනුම් දීමක් කර නොමැති බැවින්.

පිරිපහදුවේ ආරක්ෂිත සංචිත යොදාගෙන අඛණ්ඩව පිරිපහදුවේ කටයුතු සිදුකර ගෙන යන ලෙස පාලනාධිකාරිය දැනුම් දී ඇති බවයි එහි සාමාජික ඉංජිනේරු චන්න ප්‍රභාත් මහතා පැවසුවේ.

නමුත් එම ආරක්ෂිත බොරතෙල් පරිමාව යොදා ගන්නේ ඉදිරි දින 04 තුළ දැවිතෙල් නැවක් එන බවට තහවුරුවක් ලැබෙන්නේ නම් පමණක් බවයි ඔහු අවධාරණය කළේ.