මාලදිවයින් ජනාධිපති ආචාර්ය මොහොමඩ් මුයිසු මහතා මැයි 03 දින සිට 05 දින දක්වා ශ්රී ලංකාවේ සංචාරයක නිරත වීමට නියමිතව තිබෙනවා.
ජනාධිපති අනුර කුමාර දිසානායක මහතාගේ ආරාධනයක් මෙම සංචාරය මත ජනාධිපති ආචාර්ය මොහොමඩ් මුයිසු මහතා මෙම සංචාරයට පැමිණෙනවා.
දෙරට අතර සහයෝගිතාව වර්ධනය කර ගනිමින් මෙම සංචාරයේ දී ක්ෂේත්රයන් ගණනාවක් ආවරණය වන අයුරින් පහත සඳහන් අවබෝධතා ගිවිසුම්වලට අත්සන් තැබීම පිණිස අමාත්ය මණ්ඩලයේ අනුමැතිය ලබා දී තිබෙනවා.
ඒ අනුව,
- පුහුණු වැඩසටහන් සංවිධාන කිරීම, කාර්යමණ්ඩල හුවමාරු වැඩසටහන් ක්රියාත්මක කිරීම සහ ඒකාබද්ධ පර්යේෂණ පැවැත්වීමට අදාළව මාලදිවයින් ජනරජයේ ආරක්ෂක සහ ජාතික සේවා අමාත්යාංශය සහ ශ්රී ලංකාවේ ජෙනරාල් ශ්රීමත් ජෝන් කොතලාවල ආරක්ෂක විශ්වවිද්යාලය අතර අවබෝධතා ගිවිසුම.
- ගුරුවරුන් හා පාසල් නායකයින් පුහුණු කිරීම සහ වෘත්තීය සංවර්ධන ක්ෂේත්රයේ සහයෝගිතාව සඳහා මාලදිවයිනේ අධ්යාපන, උසස් අධ්යාපන සහ කුසලතා සංවර්ධන අමාත්යාංශය සහ ශ්රී ලංකාවේ අධ්යාපන, උසස් අධ්යාපන සහ වෘත්තීය අධ්යාපන අමාත්යාංශය අතර අවබෝධතා ගිවිසුම.
- මාලදිවයින් ජනරජයේ සෞඛ්ය, පවුල් සහ සුබසාධන අමාත්යාංශය සහ ශ්රී ලංකාවේ කොළඹ විශ්වවිද්යාලය අතර අධ්යයන සහයෝගිතාව පිළිබඳව වන අවබෝධතා ගිවිසුම.
- මාලදිවයින් ජනරජය සහ ශ්රී ලංකා ප්රජාතාන්ත්රික සමාජවාදී ජනරජය අතර සංචාරක ක්ෂේත්රයේ සහයෝගිතාව පිළිබඳව වන අවබෝධතා ගිවිසුම.
- මාලදිවයින් ජනරජයේ ජාතික අධිලේඛනාගාරය සහ ශ්රී ලංකාවේ ජාතික ලේඛනාරක්ෂක දෙපාර්තමේන්තුව අතර ලේඛනාරක්ෂක ක්ෂේත්රයේ සහයෝගිතාව පිළිබඳව වන අවබෝධතා ගිවිසුම.
- මාලදිවයින් ජනරජයේ තරුණ බලගැන්වීම් සහ යෝග්යතාව පිළිබඳ අමාත්යාංශය සහ ශ්රී ලංකාවේ තරුණ කටයුතු සහ ක්රීඩා අමාත්යාංශය අතර ක්රීඩා සහ තරුණ සංවර්ධනය සඳහා වන අවබෝධතා ගිවිසුම.
ශම්මි සිල්වා ඉල්ලා අස්වීමට තීරණය කරයි 
රාජ්ය සේවයේ සිටින අනියම් හා ආදේශක සේවකයින්ට දැනුම්දීමක් 
ස්වාධීන රූපවාහිනී මාධ්ය ජාලයට ඩිජිටල් ඒකකයක් 
සජබයේ ආරාධනයට එජාපයෙන් පිළිතුරු 
චාල්ස් රජුගේ ඇමරිකානු සංචාරය ඇරඹෙයි 
මුදල් අමාත්යාංශ ලේකම්ට විරෝධය පළ කරන්න ගිය සුගීෂ්වර ඇතුළු පිරිසට ගොම ප්රහාරයක් 
විශ්වවිද්යාල ප්රවේශය සඳහා අයදුම්පත් භාරගැනීම ඇරඹේ 
හිටපු ජනපති මෛත්රී අල්ලස් කොමිසමට 
පාසල් බස් රථයක් අනතුරට ලක්වෙයි! සිසුන් 34ක් රෝහල්ගත කරයි! 
“ඒහි පස්සිකෝ” සාම පාද යාත්රාවේ අවසන් දිනය අදයි – රාජ්ය උත්සවය ජනපති ප්රධානත්වයෙන් නිදහස් චත්රරස්රයේ දී 
අද මි.මී. 75ට වැඩි වැසි වැටෙන ප්රදේශ 
කොළඹට යන එන අයට විශේෂ දැනුම්දීමක්