“ඒහි පස්සිකෝ” සාම පාද යාත්‍රාවේ අවසන් දිනය අදයි – රාජ්‍ය උත්ස­වය ජන­පති ප්‍රධා­න­ත්ව­යෙන් නිදහස් චත්‍රරස්‍රයේ දී

ලෝක සාමය ප්‍රවර්ධනය කිරීමේ අරමුණින් දඹුල්ලෙන් ආරම්භ වූ “ඒහි පස්සිකෝ” ජාත්‍යන්තර සාම පාද යාත්‍රාවේ අවසන් දිනය අදට (28) යෙදී තිබේ.

අද දහවල් 12.00 ට කැලණිය රජමහා විහාරස්ථානයෙන් ආරම්භ වන පාද යාත්‍රාව කොළඹ නිදහස් චතුරස්‍රය දක්වා ගමන් කිරීමට නියමිතය.

අනතුරුව පස්වරු 4.00 ට නිදහස් චතුරස්‍ර පරිශ්‍රයේදී ජනාධිපති අනුර කුමාර දිසානායක මහතාගේ සහභාගිත්වයෙන් විශේෂ රාජ්‍ය උත්සවයක් පැවැත්වේ.

මෙම උත්සවයේ විශේෂිතම අවස්ථාව ලෙස, ජනාධිපතිවරයා විසින් පූජ්‍ය පඤ්ඤාකර හිමියන් ප්‍රමුඛ වියට්නාම දූත පිරිස වෙත උතුම් ශ්‍රී මහා බෝධීන් වහන්සේගේ අංකුර පැළයක් නිල වශයෙන් භාර දීම සිදු කෙරේ.

රාජ්‍ය උත්සවයෙන් පසු පස්වරු 5.30 ට යළි ආරම්භ වන පා ගමන කොළඹ ගංගාරාම විහාරස්ථානයට ළඟා වීමෙන් පසු නිල වශයෙන් නිමාවට පත් වනු ඇත.