චීනයේ සයිනොපෙක් සමාගමේ උප සභාපති ලියැන්ගොං ඇතුළු දස දෙනෙකුගෙන් යුතු නියෝජිත කණ්ඩායමක් අද (15) දිනයේ විදේශ කටයුතු අමාත්‍ය විජිත හේරත් මහතා හමුවුණා.
ඒ ඇ.ඩො. බිලියන 3.7ක ආයෝජනයකින් හම්බන්තොට ප්‍රදේශයේ ආරම්භ කිරීමට නියමිත නව තෙල් පිරිපහදු ව්‍යාපෘතියේ ප්‍රගතිය සහ ව්‍යාපෘතිය පිළිබඳ නොවිසඳුනු ගැටලු සාකච්ඡා කිරීම සඳහායි.
මෙම ව්‍යාපෘතිය ආරම්භ කිරීම සම්බන්ධයෙන් වසර ගණනාවක් තිස්සේ පැවැති ගැටලුවලින් විශාල ප්‍රමාණයක් විසඳාලීමට අමාත්‍යවරයා ලබා දුන් සහයෝගය සයිනොපෙක් සමාගමේ උප සභාපතිවරයා අගය කරනු ලැබුවා.
ඒ අනුව දිනකට බැරල් ලක්ෂ 02ක් දක්වා නිෂ්පාදනය කිරීම සඳහා වන මෙම ව්‍යාපෘති ගිවිසුම ඉකුත් ජනවාරි මස අත්සන් කිරීමට හැකි වූ බව ද වැඩිදුරටත් ඒ මහතා පෙන්වා දුන්නා.
මීට අමතරව ව්‍යාපෘතිය ඇරඹීම සම්බන්ධයෙන් බලපා ඇති තවත් ගැටලු කිහිපයක් පිළිබඳව ලියැන්ගොන් මහතා විදේශ අමාත්‍යතුමා වෙත ඉදිරිපත් කළ අතර මෙම ව්‍යාපෘතිය රටවල් දෙකටම වැදගත් වන ව්‍යාපෘතියක් හෙයින් එම ගැටලු ඉතා ඉක්මණින් විසඳීමට මැදිහත් වන ලෙස ඉල්ලා සිටියා.
ශ්‍රී ලංකාව සහ එහි ආර්ථිකයට විදේශ ආයෝජන තුළින් සිදුවන ධනාත්මක බලපෑම හේතුවෙන් මෙම ව්‍යාපෘතිය කඩිනමින් ක්‍රියාත්මක කිරීම සඳහා පවතින ගැටලු ඉතා ඉක්මණින් විසඳීමට තමා මැදිහත් වන බවට අමාත්‍ය විජිත හේරත් මහතා එකඟතාව පලකළා.
ඒ අනුව ප්‍රමාදයකින් තොරව ව්‍යාපෘතිය ආරම්භ කිරීමට දෙපාර්ශවය එකඟතාවයක් ඇති කරගත්තා.
මෙම හමුව විදේශ කටයුතු, විදේශ රැකියා සහ සංචාරක අමාත්‍යංශයේදී පැවැත්වුණා.
වර්ෂාව හේතුවෙන් ශ්‍රී ලංකා – දකුණු අප්රිකා කාන්තා තරගය ඕවර 20ට සීමා කරයි 
දිලිත් ජයවීර ජනපතිට ස්තූතිය පළ කරයි 
ක්රීඩකයින් දස දෙනෙකුට වැඩ වරදී 
රාජාංගනය ජලාශය අවට පහත්බිම්වල වෙසෙන ජනතාවට දැනුම්දීමක් 
ලොකු පැටීගේ සමීපතමයෙක් ආයුධත් එක්ක අත්අඩංගුවට 
ඉන්දීය අග්රාමාත්යවරයා සහ හරිනි අතර හමුවක් 
රට රැකියාවලට යන අයට රජයෙන් සහනයක් 
වැස්ස නිසා කොළඹ දැඩි තදබදයක් 
කටුනායක ගුවන්තොටුපලෙන් විශේෂ නිවේදනයක් 
ඉෂාරාට නවාතැන් දුන් පොලිස් කොස්තාපල්වරයෙක් ඇතුළු 3ක් අත්අඩංගුවට 
අගමැතිනි හරිනි ඉන්දියාවේදී දුන් පොරොන්දුව 
උසස් පෙළට හිතා මතා දුෂ්කර පාසල්වලට ගිහින් ඉවරයි! අධ්‍යාපන අමාත්‍යාංශයෙන් නව චක්‍රලේඛයක්!