හිටපු නියෝජ්‍ය ඇමැතිවරයෙකුට එරෙහි නඩු 4ක තීන්දු මැයි අගදී

සංව­ර්ධන ලොත­රැයි මණ්ඩ­ලයේ සභා­පති ලෙස කට­යුතු කළ සමයේ නිසි ක්‍රියා­ප­ටි­පා­ටි­යෙන් බැහැ­රව වාහන 11ක් කුලී පද­නම මත ලබා­ගෙන රජ­යට රුපි­යල් ලක්ෂ 114කට අධික පාඩු­වක් සිදු කිරීමේ චෝද­නාව යටතේ හිටපු නියෝජ්‍ය ඇමැති සරණ ගුණ­ව­ර්ධ­නට එරෙ­හිව පව­රන ලද අල්ලස් නඩු 4ක තීන්දු මේ මස අගදී ප්‍රකාශ කිරී­මට කොළඹ මහා­ධි­ක­රණ විනි­සුරු මොහො­මඩ් මිහා­යිල් නියෝග කර තිබේ.

සංව­ර්ධන ලොත­රැයි මණ්ඩ­ලයේ සභා­ප­ති­ව­රයා වශ­යෙන් කට­යුතු කර­මින් නිසි කාර්ය­ප­ටි­පා­ටි­යෙන් බැහැ­රව අත්පිට මුද­ලට වඩා වැඩි මුද­ල­කට කුලී පද­නම මත වාහන ලබා­ගැ­නී­මෙන් රජ­යට පාඩු කළ බවට චෝදනා ගොනු කර­මින් මේ නඩු පවරා ඇත.

ඒ අනුව චුදි­තට එරෙ­හිව අල්ලස් හෝ දූෂණ චෝදනා විම­ර්ශන කොමි­ෂන් සභා පනතේ 70 වැනි වග­න්තිය යටතේ ගැනෙන ‘දූෂ­ණය’ නමැති වරද යටතේ නඩු පැව­රීම කර ඇත.

බාහිර පාර්ශ්ව­යන්ට වාසි වන ආකා­ර­යට වාහන 11ක් බදු පද­නම මත ගැනී­මෙන් රජ­යට රුපි­යල් එක්කෝටි දහ­තුන් ලක්ෂ අනූ­එක් දහ­සක සමස්ත පාඩු­වක් සිදු කළ බවට චෝදනා කර විත්ති­ක­රුට එරෙ­හිව කොමි­සම මේ නඩු ගොනු කර තිබේ.