ඉරාන උත්තරීතර නායක කමේනිගෙන් සැර ප්‍රකාශයක්

කලාපය තුළ මින් ඉදිරියට අමෙරිකානු හමුදා කඳවුරුවලට ආරක්ෂිත තෝතැන්නක් හෝ රැකවරණයක් නොලැබෙනු ඇතැයි ඉරානයේ නව උත්තරීතර නායක මොජ්තාබා කමේනි සඳහන් කරයි.

ටෙහෙරානය සහ වොෂින්ටනය අතර මාස තුනක් තිස්සේ පවතින දරුණු යුද්ධය අවසන් කිරීමේ රාමුවක් පිළිබඳව දෙපාර්ශ්වය සාකච්ඡා කරමින් සිටින පසුබිමක ඉරානයේ නව උත්තරීතර නායක මොජ්තාබා කමේනි මේ බව සඳහන් කරයි.

කලාපය තුළ පැරණි තත්ත්වයට යා නොහැකි බවත් අමෙරිකාවට නපුර පතුරුවන්නට හෝ නව හමුදා කඳවුරු පිහිටුවන්නට ආරක්ෂිත ස්ථාන හිමි නොවන බවද නායක මොජ්තාබා කමේනි සඳහන් කරයි.

හජ් උත්සවය නිමිත්තෙන් රාජ්‍ය රූපවාහිනිය හරහා නිකුත් කළ පණිවුඩයකින් මොජ්තාබා කමේනි සඳහන් කළේ,

“කාලයේ දෑත් ආපසු හැරවිය නොහැකියි, එමෙන්ම කලාපයේ ජාතීන් සහ භූමි ප්‍රදේශ මින් ඉදිරියට අමෙරිකානු කඳවුරුවලට ආරක්ෂක වැටක් ලෙස සේවය කරන්නේ නැහැ. නපුර පතුරුවන්නට හෝ කලාපය තුළ හමුදා කඳවුරු පිහිටුවන්නට මින් ඉදිරියට අමෙරිකාවට ආරක්ෂිත තෝතැන්නක් ලැබෙන්නේ නැහැ,”