බැසිල් රාජපක්ෂ අත්අඩංගුවට ගැනීම සඳහා ඉන්ටර්පෝල් හරහා නිල් වරෙන්තු

හිටපු අමාත්‍ය බැසිල් රාජපක්ෂ අත්අඩංගුවට ගැනීම සඳහා ජාත්‍යන්තර පොලිසිය (ඉන්ටර්පෝල්) හරහා නිල් වරෙන්තු (Blue Notices) ලබාගැනීම පිණිස නිල ඉල්ලීමක් කර ඇති බව පොලිස්පතිවරයා පවසනවා.

ඒ මාතර බ්‍රවුන්ස්හිල් ප්‍රදේශයේ ඉඩමක් මිලදී ගැනීම සහ ඌව පළාත් සභා මැතිවරණ සමයේ සංචාරක ප්‍රවර්ධන කාර්යාංශයේ රුපියල් මිලියන 7.8ක මුදලක් වැය කර ටී ෂර්ට් 12,000ක් බෙදා හැරීමේ සිද්ධීන්ට අදාළව මුදල් විශුද්ධිකරණ චෝදනාවක් සම්බන්ධයෙන්.

විදෙස්ගතව සිටින සැකකරු මෙරටට ගෙන්වා ගැනීමේ අරමුණින් සහ නීතිමය ක්‍රියාමාර්ග අඛණ්ඩව ඉදිරියට ගෙනය යාම සඳහා මෙම අන්තර්ජාතික මැදිහත්වීම සිදු කර ඇති බව වැඩිදුරටත් වාර්තා වනවා.