නේපාලයේ විපතින් දින හතරකට පසු සුන්බුන් අතරින් ජීවය ලැබු හත් හැවිරිදි දියණිය

දින ගණනාවක් පුරා නේපාලය සහ මායිම්ගත ටිබෙට් කලාපය බියෙන් හා ශෝකයෙන් ගිල්වා දැමූ විනාශකාරී ගංවතුර සහ නායයෑම් අතරින් සුන්බුන්වලට යටවී සිටි කුඩා දැරියක පණපිටින් බේරාගැනීමට මුදාගැනීමේ කණ්ඩායම් සමත්ව තිබේ.

සත්‍යාපනය කරන ලද වීඩියෝ දර්ශනවල දැක්වෙන්නේ, මුදාගැනීමේ කණ්ඩායම් විසින් සුන්බුන් අතරින් මෙම දැරිය එළියට ගෙන ඇයට ජලය සහ ප්‍රථමාධාර ලබාදෙන ආකාරයයි. පසුව ඇය පීඩාවට පත් ජනතාව වෙනුවෙන් වෙන්කර ඇති අවතැන් කඳවුරකින් ආහාර ලබාගන්නා අයුරු ද දක්නට ලැබේ.

හිමාලයානු ගංගා ඔස්සේ මඩ, අයිස් සහ ගල් විශාල ප්‍රමාණයක් ගලා ඒමට සැලැස්වූ ග්ලැසියරයක් කඩාවැටීම හේතුවෙන් මෙම මහා විනාශය සිදුවිය.

ඉරිදා වන විට නේපාලයේ පුද්ගලයින් 781 දෙනෙකු සහ ටිබෙට් සීමාවේ 16 දෙනෙකු ලෙස සමස්ත මරණ සංඛ්‍යාව 800ට ආසන්න වී ඇති අතර, අතුරුදන් වූවන් සංඛ්‍යාව 3,000 ඉක්මවා යයි.

90,000කට වැඩි පිරිසක් පීඩාවට පත්ව සිටිති. නේපාල සෙබළුන් 10,000කට ආසන්න පිරිසක් ඉන්දියානු සහ චීන විශේෂඥ කණ්ඩායම් සමඟ එක්ව මඩ සහ සුන්බුන් අතර අතුරුදන්වූවන් සෙවීමේ මෙන්ම ජලයෙන් යටවූ ජල විදුලි ව්‍යාපෘති උමං තුළ සිරවූවන් මුදාගැනීමේ අභියෝගාත්මක මෙහෙයුම්වල නිරතව සිටිති.