විදුලි බිලෙන් ජනතාවට සහන දෙන්න දැවැන්ත මුදලක් වෙන් කරයි

විදුලි බිල්පත් සම්බන්ධයෙන් මහජනතාවට සහන ලබාදීම සඳහා රුපියල් මිලියන 17,213ක මූල්‍ය සහනාධාරයක් ලබාදීමට අදාළ පරිපූරක ඇස්තමේන්තුව අද (23) පාර්ලිමේන්තුවේදී සංශෝධන රහිතව සම්මත වී තිබෙනවා.

2026 වසර සඳහා රේඛීය අමාත්‍යාංශ වෙත වෙන් කර ඇති නමුත් වසර අවසානය වනවිට උපයෝජනය නොවන බව හඳුනාගෙන ඇති ප්‍රතිපාදනවලින් මෙම මුදල වෙන් කිරීමට නියමිතයි.

ඒ අනුව මෙම ප්‍රතිපාදන මාරු කිරීම මගින් 2025 අංක 23 දරන විසර්ජන පනතෙන් අනුමත කර ඇති සමස්ත වියදම් සීමාවට හෝ රජයේ උපරිම ණය ගැනීමේ සීමාවට කිසිදු බලපෑමක් සිදු නොවන බව සඳහන්.

අදාළ පරිපූරක ඇස්තමේන්තුව ඊයේ (22) රජයේ මුදල් පිළිබඳ කාරක සභාවේදී විවාදයට ගෙන ඇති අතර, එහිදී ඊට අනුමැතිය හිමිව තිබුණා.