සමාගම් 6ක් සහ ඒවායේ අධ්යක්ෂවරුන් සතු දේපළ හා අනෙකුත් වත්කම් බැහැර කිරීම, පැවරීම හෝ වෙනත් ආකාරයකින් ගනුදෙනු කිරීම වළක්වමින් ශ්රී ලංකා මහ බැංකුව තහනම් නියෝග නිකුත් කර තිබෙනවා.
මහ බැංකුව ඊයේ (22) නිකුත් කළ නිවේදනයක දැක්වෙන්නේ 2011 අංක 42 දරන මූල්ය ව්යාපාර පනතේ 44 වැනි වගන්තිය යටතේ මෙම නියෝග නිකුත් කර ඇති බවයි.
අනතුරුව කොළඹ මහාධිකරණය විසින්ද අදාළ තහනම් නියෝග තහවුරු කර දීර්ඝ කර තිබෙනවා.
ඒ අනුව තහනම් නියෝග ක්රියාත්මක වන සමාගම් වන්නේ,
Kasagala Green Plantation (Private) Limited
Ceylon Green Life Plantation (Private) Limited
Singhe Capital Investment Limited
Pro Shop Advertising Holdings (Private) Limited
Athens International Education Centre (Private) Limited
Eyon Lanka Investment & Film Production International Company (Private) Limited යන සමාගම්.
ඉන් Kasagala Green Plantation සහ Ceylon Green Life Plantation යන සමාගම් සම්බන්ධයෙන් මූල්ය ව්යාපාර පනතේ 42 වැනි වගන්තිය යටතේ මේ වනවිට විමර්ශන සිදුකරමින් පවතින බව මහ බැංකුව සඳහන් කරනවා.
අනෙකුත් සමාගම් හතර මූල්ය ව්යාපාර පනතට පටහැනිව මූල්ය ව්යාපාර සිදුකර ඇති බව හෝ මහජනතාවගෙන් තැන්පතු භාරගෙන ඇති බවට මහ බැංකුව විසින් දැනටමත් තීරණය කර ඇති බවද සඳහන්.
මේ අතර මුදල් තැන්පත් කිරීමේදී නීත්යානුකූලව බලයලත් ආයතන පමණක් තෝරාගන්නා ලෙස මහ බැංකුව ජනතාවගෙන් ඉල්ලා සිටිනවා.
එමෙන්ම නීත්යානුකූල අවසරයකින් තොරව මූල්ය ව්යාපාර සිදුකරන බවට හෝ මහජන තැන්පතු භාරගන්නා බවට ලැබී ඇති පැමිණිලි සම්බන්ධයෙන් තවත් ආයතන සහ පුද්ගලයන් කිහිපදෙනෙකු පිළිබඳවද විමර්ශන ක්රියාත්මක බව මහ බැංකුව වැඩිදුරටත් සඳහන් කරනවා.
අද කාලගුණ නිවේදනය 
හරක් කටා සහ කෙහෙල්බද්දර පද්මේ බන්ධනාගාරයේදී ගැටෙයි! තුවාල ලැබූ පද්මේ රෝහලට! 
නාමල් අද යළි අධිකරණයට 
පාස්කු මහ නඩුවේ අවසන් තීන්දුවේ සම්පූර්ණ විස්තරය මෙන්න 
පාස්කු නඩුවේ වරදකරුවන්ට දඬුවම් නියම කරයි 
අනුරාධපුරයේ ප්රදේශ කිහිපයකට හෙට පැය 8ක ජල කප්පාදුවක් 
පාසල්වලට Smart Boards 
බස්නාහිර පළාත් සභාවේ හිටපු සෞඛ්ය ඇමතිට ඇප 
“සුරේෂ් සලේගේ හෘදය වස්තුව ඉදිමීමකට ලක් වෙලා” – අධිකරණයේදී කරුණු රැසක් හෙළි වෙයි 
ජයග්රහණය සඳහා ශ්රී ලංකා පිලට ලැබුණු ඉලක්කය 
ශ්රී ලංකා කාන්තා ක්රිකට් පිල ලකුණු 69කට සීමා වෙයි! රන් පදක්කම ඉන්දියාවට!