පාසල් සිසුන්ට සහ දෙමාපියන්ට සහනයක්! ලබන මාසයේ සිට අභ්‍යාස පොත්වල මිලෙහි දැනෙන වෙනසක්!

ලබන මාසයේ සිට වෙළෙඳපොළේ අලෙවි කෙරෙන සියලුම අභ්‍යාස පොත්වල මිල සියයට 18කින් (18%) අඩු කිරීමට තීරණය කර ඇති බව ජාතික පොත් ව්‍යාපාරික සංගමය පවසයි.

මෙවර අයවැය මඟින් පාසල් උපකරණ සහ අභ්‍යාස පොත් සඳහා ලබාදුන් එකතු කළ අගය මත බදු (VAT) සහනයේ ප්‍රතිලාභය ඍජුවම පාරිභෝගිකයන් වෙත ලබාදීමේ අරමුණින් මෙම මිල අඩු කිරීම සිදුකරන බව එම සංගමය වැඩිදුරටත් සඳහන් කරයි.

ඒ අනුව, නව පාසල් වාරය ආරම්භ වීමට පෙර දෙමාපියන්ට සහ පාසල් සිසුන්ට විශාල ආර්ථික සහනයක් සලසමින්, ලබන දෙසැම්බර් මාසයේ සිට දිවයින පුරා අලෙවි කෙරෙන සියලුම අභ්‍යාස පොත්වල මිල ගණන් 18%කින් පහළ යනු ඇත.