තංගල්ල ධීවර වරායෙන් මුහුදු ගිය එක්දින ධීවර යාත්රාවක් මුහුදු රළකට හසුව පෙරලීයාමෙන් මුහුදට වැටුණු තංගල්ලේ ධීවරයන් දෙදෙනකු පැය පහකට අධික කාලයක් ජීවිතය හා මරණය සමඟ මහ මුහුදේ පොර බදද්දී මිරිස්ස ධීවර වරායෙන් මුහුදු ගිය බහුදින ධීවර යාත්රාවක සිටි ධීවරයන් පිරිසක් විසින් බේරා ගැනීමේ පුවතක් වාර්තා වෙයි.
තංගල්ල ධීවර වරායෙන් ඉකුත් 29 දින පිටත්ව ගොස් ඇති යාත්රාව මසුන් අල්ලමින් සිටියදී 30 වැනි දින රාත්රී 02 ට පමණ මුහුදු රළට හසුව යාත්රාව පෙරලී තිබේ.
ඒ සමගම යාත්රාවේ සිටි ධීවරයන් දෙදෙනා මුහුදට වැටී තිබේ. පසුව යාත්රාවේ සුන් බුන්වල එල්ලී පැය පහකට අධික කාලයක් ධීවරයන් දෙදෙනා මුහුදු රළ සමඟ පොර බදමින් සිටියදී බහුදින යාත්රාවේ ධීවරයින් ඔවුන් දැක ධීවරයින් දෙදෙනා බේරා ගෙන තිබේ.
බහු දින යාත්රාවේ සිටි ධීවරයකු මුහුදට පැන මුහුදේ ගිලෙමින් සිටි ධීවරයන් දෙදෙනාට කඔයක් දී ධීවරයන් දෙදෙනා බහු දින යාත්රාවට ගෙන තිබේ. ධීවරයන් දෙදෙනා බහු දින යාත්රාවේ ධීවරයන් විසින් බේරා ගෙන ඇත්තේ 30 වැනි දින පෙරවරු 07 පමණ බව ධීවරයෝ පවසති.
බේරා ගත් ධීවරයන් දෙදෙනා එදිනම තංගල්ල ධීවර වරායට රැගෙන විත් තිබේ. මහ මුහුද සමඟ පෙරබදමින් ජීවිතය ගලවා ගනු ලැබුවේ තංගල්ලේ පදිංචි ප්රදීප් ප්රියංක සහ ප්රසාද් චමින්ද යන ධීවරයන් දෙදෙනාය.
අද රාත්රියේත් ප්රදේශ රැසකට තද වැසි 
අරවින්ද ද සිල්වාට ලැබුණු තනතුර 
බ්රිතාන්ය ඉතිහාසය වෙනස් කළ සුපිරි පාපන්දු ක්රීඩක ඩේවිඩ් බෙකම් 
ජපානයට භූ කම්පනයක් 
ලක්ෂ්මන් යාපා ඉදිරිපත් කළ පෙත්සම සලකා බැලීමට දින දෙයි 
Paypal පහසුකම ශ්රි ලංකාව තුළ නිල වශයෙන් දියත් කරයි 
ගම්පහ ඔස්මන් දින 90ක් රඳවාගෙන ප්රශ්න කිරීමට අවසර 
රට තුළ පවතින ඉන්ධන තොග පිළිබඳව අනාවරණයක් 
ගුරු සේවයේ වැටුප් වැඩි කරන හැටි ගැන ඇමති චන්දනගෙන් පැහැදිලි කිරීමක් 
සනත් නිශාන්තගේ සොහොයුරාට වසර 5 හමාරක සිර දඬුවමක් නියම වෙයි 
හෙට උදෑසන 8.30 දක්වා බලපැවැත්වෙන පරිදි කාලගුණයෙන් රතු නිවේදනයක් 
රජය මැතිවරණයකට සැරසෙයි