සෑම බන්ධනාගාරයක් තුළම හදිසි අවස්ථාවකදී ප්රතිචාර දැක්වීම සඳහාත් රැදවියන්ගේ සුබසාධනය අරමුණු කරගෙන ඔවුන්ගේ ගැටලු නිරාකරණය කිරීම සඳහාත් මැදිහත්විය හැකි ඒකාබද්ධ රාජ්ය යාන්ත්රණයක් පිහිටුවීමට පියවර ගෙන ඇති බව අධිකරණ හා ජාතික ඒකාබද්ධතා අමාත්ය හර්ෂණ නානායක්කාර මහතා පවසනවා.
ඔහු මෙම අදහස් ප්රකාශ කලේ අද(19) කළුතර බන්ධනාගාරයෙහි නිරීක්ෂණ චාරිකාවකට එක් වූ අවස්ථාවේ මාධ්ය වෙත අදහස් දක්වමින්.
පසුගිය දිනවලදී උද්ගතව තිබූ බන්ධනාගාරවල නොසන්සුන්කාරී තත්වයට විසඳුම් සෙවීම සඳහා ජනාධිපතිවරයාගේ ප්රධානත්වයෙන් පිහිටවන ලද විශේෂ කමිටුව මගින් මෙම තීරණය ගෙන ඇති බවද එහිදී ඔහු සඳහන් කළා.
බන්ධනාගාර තුළ පිහිටවනු ලබන මෙම ඒකාබද්ධ රාජ්ය යාන්ත්රණය සඳහා බන්ධනාගාර නිලධාරීන්, ප්රාදේශීය ලේකම්වරයා, දිස්ත්රික් ලේකම්වරයා, ත්රිවිධ හමුදාවේ ප්රධානීන්, ජාතික ජල සම්පාදන හා ජලාපවහන මණ්ඩලය, ලංකා විදුලිබල මණ්ඩලය, සෞඛ්ය අංශය, ගිනි නිවීමේ අංශය සහ බන්ධනාගාරය තුළ පැනනගින ගැටලු සඳහා අවශ්ය වන වෙනත් ඕනෑම රාජ්ය නිධාරියෙකු කැදවාගැනීමට අවස්ථාව හිමි වන බවද එහිදී අමාත්යවරයා සඳහන් කළා.
එම නිලධාරීන් සමඟ සාකච්ඡා සිදුකොට රැදවියන්ගේ ගැටලු නිරාකරණය සහ ඔවුන්ගේ සුබසාධනය සඳහා අවශ්ය ක්රියාමාර්ග ගැනීම මෙම ඒකාබද්ධ යාන්ත්රණයේ අරමුණ වී තිබෙනවා.
එසේම හදිසි අවස්ථාවකදී ප්රතිචාර දැක්වීම් සම්බන්ධව තීරණ ගැනීමද මෙම බන්ධනාගාර තුළ පිහිටුවනු ලබන ඒකාබද්ධ යාන්ත්රණයෙහි අරමුණු වන බව හර්ෂණ නානායක්කාර මහතා එහිදී සඳහන් කළා.
අවම වශයෙන් මසකට වරක්වත් මෙම ඒකාබද්ධ යාන්ත්රණය රැස්වී අදාළ ගැටලු පිළිබඳව සාකච්ඡා කිරීමට නියමිතව ඇති බවද ඔහු වැඩිදුරටත් සඳහන් කළා.
උණුසුම් කාලගුණය සම්බන්ධයෙන් අවවාදාත්මක නිවේදනයක් 
දෙහිවල ජාතික සත්වෝද්යානයේ වාසය කළ ජිරාෆ් මිය යයි 
සැප්තැම්බර් සිට රථවාහන දඩ මුදල් ගෙවීම ඩිජිටල් ක්රමයට පමණයි 
අපවත්වී වදාළ පූජ්ය රඹුකන සිද්ධාර්ථ හිමිගේ දේහය වැල්ලවත්ත ශ්රී සුධර්මාරාම විහාරයට 
අත්යවශ්ය ආනයනික භාණ්ඩ මිල තවදුරටත් ඉහළ යාමේ අවදානමක් 
ඩෙංගු මරණ සංඛ්යාව ඉහළට 
රියදුරන්ට දැනුම්දීමක් 
මුදල් කොල්ලකන අලුත්ම ජාවාරම! ඔබටත් මෙවැනි දුරකථන ඇමතුමක් ලැබුණොත් ප්රවේශමෙන්! 
හිටපු අමාත්ය ජගත් පුෂ්පකුමාරගේ බිරිඳ හදිසි අනතුරකින් අභාවප්රාප්ත වෙයි 
එල්ටීටීඊ පුහුණු කඳවුරක් ගැන අසත්ය තොරතුරු පැතිරූ පුද්ගලයා අත්අඩංගුවට 
අද කාලගුණය 
උණ්ඩියල් මුදල් ගනුදෙනු කළ 19 හැවිරිදි තරුණයෙක් පොලිස් දැලට කොටුවෙයි