ඉන්දියානු ජනතාවගෙන් ගාල්ල ජාතික රෝහලට ලැබුණු පරිත්‍යාගය

ඉන්දියානු ජනතාවගේ පරිත්‍යාගයක් ලෙස ගාල්ල ජාතික රෝහල වෙත ජල පිරිපහදු කට්ටල 10ක් පරිත්‍යාග කිරීම පසුගිය (29) පස්වරුවේ සිදු කෙරිණි.

ශ්‍රී ලංකාවේ වැඩබලන ඉන්දීය මහ කොමසාරිස් මෛත්‍රී කුල්කර්ණි (Mr. Maitrey Kulkarni) සහ හම්බන්තොට ඉන්දීය කොන්සල් ජනරාල් හරවින්ද්‍ර සිං යන මහත්වරුන් විසින් මෙම පරිත්‍යාගය ගාල්ල ජාතික රෝහලේ නියෝජ්‍ය අධ්‍යක්ෂ ජෙනරාල් විශේෂඥ වෛද්‍ය ප්‍රියන්ත අතපත්තු මහතා වෙත නිල වශයෙන් භාර දෙන ලදී.

රෝහල් පරිශ්‍රයේ තෝරාගත් ස්ථානවල ස්ථාපිත කිරීමට නියමිත මෙම කට්ටල අතුරින් ප්‍රධාන දොරටුව අසල සවිකළ පළමු ජල පිරිපහදු කට්ටලය මෙහිදී විවෘත කළ අතර, අනතුරුව ඉන්දීය නියෝජිත පිරිස රෝහලේ හදිසි ප්‍රතිකාර ඒකකය (ETU) සහ හදිසි ප්‍රතිකාර මධ්‍යස්ථානය (ETC) නිරීක්ෂණය කිරීමට ද එක්වූහ.