“ඒ ඒකාබද්ධ විපක්ෂය මේ ඒකාබද්ධ විපක්ෂය නොවේ..” – ජනතාවාදී ඒකාබද්ධ විපක්ෂයෙන් නිවේදනයක්

කොළඹ අලුත්කඩේ නීතිඥ සංගම් මූලස්ථානය ඉදිරිපිටදී ශ්‍රී ලංකා නීතිඥ සංගමයේ සභාපතිවරයා වහාම ඉල්ලා අස්විය යුතු යැයි පවසමින් කිහිපදෙනෙකු විසින් පවත්වන ලද විරෝධතාවය ජනතාවාදී ඒකාබද්ධ විපක්ෂය දැඩි පිළිකුලින් යුතුව හෙළා දකින බව විශේෂ මාධ්‍ය නිවේදනයක් නිකුත් කරමින් සඳහන් කර තිබෙනවා.

මෙම පහත් සහ අශීලාචාර ක්‍රියාව සඳහා ඒකාබද්ධ විපක්ෂයේ කිසිදු සාමාජිකයෙකු හෝ කිසිදු පාර්ශ්වයක් සම්බන්ධ වී නොමැති බව එම නිවේදනයේ වැඩිදුරටත් දැක්වෙනවා.

දිනෙන් දින ජනතාව අතර අප්‍රසාදයට පත්වෙමින් තිබෙන මාලිමා රජය මෙවැනි ක්‍රියාකාරකම්වල යෙදීම මඟින් තවදුරටත් තහවුරු වන්නේ ඔවුන්ට ජනතා සහයෝගයක් නොමැති බවත්, එබැවින් රජයේ බොළඳ සහ රැවටිලිකාරී ක්‍රියාවලට හසු නොවන ලෙස ජනතාවාදී ඒකාබද්ධ විපක්ෂය ජනතාවගෙන් ඉල්ලා සිටිනවා.