පාර්ලිමේන්තු මන්ත්රී නාමල් රාජපක්ෂ මහතාට රුපියල් මිලියන 70ක මුදලක් අල්ලස් ලෙස ලබාදුන් බවට වූ චෝදනාවට අදාළව අල්ලස් කොමිසම විසින් අත්අඩංගුවට ගත් ක්රිෂ් සමාගමේ හිටපු අධ්යක්ෂිකා ජානකී සිරිවර්ධන ඔක්තෝබර් මස 6 වැනිදා දක්වා රක්ෂිත බන්ධනාගාර ගත කිරීමට කොළඹ මහෙස්ත්රාත් අධිකරණය අද (24) නියම කළේය.
එමෙන්ම මේ වනවිට රක්ෂිත බන්ධනාගාර ගත කර සිටින පාර්ලිමේන්තු මන්ත්රී නාමල් රාජපක්ෂ මහතාගෙන්ද මෙම විමර්ශනයට අදාළව ප්රකාශයක් සටහන් කර ගැනීමට අල්ලස් කොමිසමට අවසර දෙන ලෙසත්, මෙහිදී මහෙස්ත්රාත්වරයා විසින් බන්ධනාගාර අධිකාරිවරයාට නියම කරනු ලැබීය.
අල්ලස් කොමිසමේ නිලධාරීන් හා සැකකාරියගේ නීතිඥවරු ඉදිරිපත් කළ කරුණු සලකා බැලීමෙන් අනතුරුව, කොළඹ ප්රධාන මහෙස්ත්රාත් අසංග එස්. බෝදරගම මහතා විසින් මෙම නියෝගය නිකුත් කළේය.
නාගරික සංවර්ධන අධිකාරියට අයත් කොළඹ කොටුව ට්රාන්ස්වර්ක් චතුරස්රය නැමැති භූමිය කඩිනමින් ලබාගැනීම සඳහා සහාය දීම වෙනුවෙන්, නාමල් රාජපක්ෂ මහතා වෙත රුපියල් මිලියන 70ක මුදලක් අල්ලස් ලෙස ලබාදුන් බවට වන චෝදනාව යටතේ ජානකී සිරිවර්ධන මහත්මිය අල්ලස් හෝ දූෂණ විමර්ශන කොමිෂන් සභාව මගින් අත්අඩංගුවට ගනු ලැබීය.
ඇය අවස්ථා තුනකදී අදාළ මිලියන 70ක මුදල නාමල් රාජපක්ෂ මහතා වෙත ලබාදී ඇති බවට චෝදනා එල්ල වී තිබේ.
පොලීසියේ ASP තනතුරෙන් පහළ නිලධාරීන්ට විද්යුත් යතුරුපැදි 65,000 ක් 
ශිරන්ති රාජපක්ෂ FCIDයෙන් වෙනත් දිනයක් ඉල්ලයි 
ඉලක්කයටත් එහා ගිය සැප්තැම්බර් රේගු ආදායම 
ආණ්ඩු පක්ෂයේ මන්ත්රීවරුන්ගෙන් දිලිත් ජයවීර කළ ඉල්ලීම 
නාමල් රාජපක්ෂට ලක්ෂ 700ක අල්ලස් ලෙස ලබාදීම සම්බන්ධයෙන් ජානකී සිරිවර්ධන අත්අඩංගුවට 
පොලිස් නිෂ්කාශන අයදුම්පත් සඳහා නව WhatsApp අංකයක් 
නව පාර්ලිමේන්තු මන්ත්රීවරයෙක් දිවුරුම් දෙයි 
ශ්රී ලංකා ක්රිකට් පිලට ජාත්යන්තර ක්රිකට් කවුන්සිලයෙන් දඩ 
කාලගුණයෙන් අනතුරු ඇඟවීමක් 
සිවරාජා අනෝජන් බේරාගැනීමට ජාත්යන්තර මට්ටමේ මෙහෙයුමක් 
පළාත් 8ක වාහන ආදායම් බලපත්ර නිකුත්කිරීම තාවකාලිකව අත්හිටුවයි 
විදුලි බිලෙන් ජනතාවට සහන දෙන්න දැවැන්ත මුදලක් වෙන් කරයි