පෙට්‍රල් නෞකාවට බාලගිරි දෝෂය වැළඳෙයි! පැමිණෙන දිනය පසුව දැනුම් දෙන බවට ඇමතිගෙන් ප්‍රකාශයක්!

ඊයේ (23) දිනයේ දී මෙරටට පැමිණීමට නියමිතව තිබූ පෙට්‍රල් නෞකාව අද (24) දිනයේදීත් නොපැමිණෙන බව ලංකා ඛනිජ තෙල් නීතිගත සංස්ථාව වෙත අදාළ සැපයුකරුවන් විසින් දැනුම්දී තිබෙනවා.

ඒ අනුව විදුලි බල අමාත්‍ය කංචන විජේසේකර ට්විටර් පණිවිඩයක් නිකුත් කරමින් සඳහන් කළේ, අදාළ නෞකාවේ පැමිණීම තවදුරටත් ප්‍රමාදයක් ඇති බවයි.

ඒ පිළිබඳව තමන් සමාව අයදින බවයි අමාත්‍යවරයා දන්වා ඇත්තේ.

එමෙන්ම නැව පැමිණීමේ දිනයක් ගැන පසුව තහවුරු කරන බවටද අමාත්‍යවරයා පෙන්වා දී තිබෙනවා.