ශ්‍රී ලංකා අධ්‍යාපන පරිපාලන සේවයට බඳවාගනු ලබන නවක නිලධාරීන් කාර්යක්ෂම ව කටයුතු කිරීමට සූදානම් කිරීමේ අරමුණින්, ඔවුන්ගේ සේවා ව්‍යවස්ථාවට අනුව අනිවාර්ය වන සේවාරම්භක පුහුණුව ලබා දීම, මේ දිනවල සිදු වේ.
මෙහි දී අධ්‍යාපන පද්ධතියට එක් වන නව නිලධාරීන්ට අවශ්‍ය දැනුම, කුසලතා හා ආකල්ප වර්ධනය වන පරිදි ඔවුන් බලගන්වමින් ලබා දෙන පුහුණුව මගින් ඉදිරි අධ්‍යාපන පරිපාලනය ශක්තිමත් කිරීමට මනා පිටුබලයක් ලැබෙනු ඇතැයි අපේක්ෂා කෙරේ.
මෙම පුහුණු වැඩමුළුවට විවෘත සහ සීමිත පදනම මත බඳවා ගත් නිලධාරීන් 500ක් පමණ සම්බන්ධ ව සිටින අතර, විවෘත පදනමින් බඳවාගත් නිලධාරීන් මේ දිනවල ශ්‍රී ලංකා සංවර්ධන පරිපාලන ආයතනයේ (SLIDA) නේවාසික පුහුණු වැඩසටහන් සඳහා සහභාගී වී ඇත. සීමිත පදනම මත බඳවාගත් නිලධාරීහු මීපේ ගුරු පුහුණු මධ්‍යස්ථානයේ නේවාසික ව ආයතනගත පුහුණු වැඩසටහන් සම්පූර්ණ කරමින් සිටිති.
මෙම සේවාරම්භක පුහුණු වැඩසටහන තුළ අධ්‍යාපන පරිපාලන සේවයට අලුතින් එක් වන නිලධාරීන්ගේ නවෝත්පාදනමය ශක්‍යතා, ඉහළ නායකත්ව ලක්ෂණ, පුළුල් ධාරිතා ශක්තිය වැනි පෞරුණත්ව ගුණාංග ඉහළ නැංවීමේ පුහුණුවීම් මගින් අධ්‍යාපන පද්ධතියේ පරිපාලන කාර්යක්ෂමතාව හා ගුණාත්මකභාවය උසස් මට්ටමක් කරා රැගෙන යාම අරමුණු වී ඇත.
අධ්‍යාපන අමාත්‍යාංශය සඳහන් කරන්නේ, අධ්‍යාපන පරිපාලන සේවයේ ගුණාත්මක හා කාර්යක්ෂම භාවය වඩාත් ප්‍රශස්ත මට්ටමකට ගෙන ඒමටත් සදාචාරවත් අධ්‍යාපන පරිසරයක් නිර්මාණය කිරීමටත් මෙවැනි පුහුණු වැඩසටහන් මගින් වැඩි ඉඩකඩක් සැලසෙන බවයි.
සැඟව සිටින අර්ජුන් මහේන්ද්රන්ගෙන් වීඩියෝ කෝල් එකක් 
රන් මිල පල්ලම් බසී 
අයි.එස්.අයි.එස් ව්යාප්ත කිරීමට ආධාර දුන් සැකකරුවන් පහළොවක් සම්බන්ධයෙන් විමර්ශන 
ඉෂාරාගෙන් තවත් ආන්දෝලනාත්මක තොරතුරු එළියට 
අද තද වැස්සක් 
තවත් පළාත් දෙකක පාසල් 21 වනදා වැසෙයි 
ධම්මික පෙරේරා මෙරට ප්රකට ව්යාපාරික සන්නාමයක් වන හරිස්චන්ද්ර ආයතනය මිලට ගනියි 
පාකිස්තානයේ ප්රහාරයකින් ඇෆ්ගනිස්තානයේ ක්රිකට් ක්රීඩකයින් තිදෙනෙක් මරුට 
වර්ෂාව හේතුවෙන් ශ්‍රී ලංකා – දකුණු අප්රිකා කාන්තා තරගය ඕවර 20ට සීමා කරයි 
දිලිත් ජයවීර ජනපතිට ස්තූතිය පළ කරයි 
රාජාංගනය ජලාශය අවට පහත්බිම්වල වෙසෙන ජනතාවට දැනුම්දීමක්