වසර 25 ක සිර දඬුවම් නියම වී සිටින හිටපු අමාත්ය මහින්දානන්ද අලුත්ගමගේ සහ නලින් ප්රනාන්දු එම දඬුවමට එරෙහිව ඉදිරිපත් කර තිබෙන අභියාචනයට යටත්ව තමන්ව ඇප මත මුදාහරින ලෙස ඉල්ලා ගොනු කර තිබූ ඇප අයැදුම් පත්ර කොළඹ ස්ථිර ත්රිපුද්ගල මහාධිකරණය අද (7) ප්රතික්ශේප කළා.
මෙම නියෝගය ප්රියනාත් ලියනගේ, විරාජ් වීරසූරිය, පී එම් ටී බණ්ඩාර යන ත්රිපුද්ගල මහාධිකරණ විනිසුරු මඩුල්ල විසින් නිකුත් කර තිබෙනවා.
2015 වසරේ පැවති ජනාධිපතිවරණය සමයේ කැරම් බෝඩ 14,000ක් සහ දාම් ලෑලි 11,000 ක් නීතියට පටහැනි ලෙස මිලදීගෙන ක්රීඩා සංගම් අතර බෙදාදීම තුළින් රජයට රුපියල් මිලියන පනස් තුනකට අධික පාඩුවක් සිදු කළේ යැයි චෝදනා කරමින් ගොනු කර තිබූ නඩුවට අදාළව හිටපු අමාත්යවරුන් වන මහින්දාන්නද අලුත්ගමගේ හා නලින් ප්රනාන්දු පසුගිය මැයි 29 වැනිදා කොළඹ ස්ථිර ත්රිපුද්ගල මහාධිකරණයෙන් වරදකරුවන් කෙරුණා.
එම දණ්ඩන නියෝගයට එරෙහිව විත්තිකාර හිටපු අමාත්යවරුන් සිය නිතීඥවරු මාර්ගයෙන් ශ්රේෂ්ඨාධිකරණය හමුවේ අභියාචන පෙත්සම් ගොනු කළා.
එම අභියාචන පෙත්සම්වලට යටත්ව තමන්ව ඇප මත මුදා හරින ලෙස ඉල්ලා විත්තිකාර අමාත්යවරුවන් මෙම ඇප ඇයැදුම් පත්ර ගොනු කර තිබුණා.
කරුණු සලකා බැලූ කොළඹ ස්ථිර ත්රිපුද්ගල මහාධිකරණ විනිසුරු මඬුල්ල චූදිතයින් හට ඇප ලබා දීමට ප්රමාණවත් තරම් කරුණු දැක්වීමක් ඉදිරිපත් කර නොමැති බව අවධාරණය කරමින් ඇප අයැදුම් පත්ර ප්රතික්ශේප කළා.
අද කාලගුණය 
විනිසුරු වයස දීර්ඝ කිරීම ගැන ජනපතිගෙන් ප්රකාශයක් 
එක්සත් ජාතීන්ගේ සංවිධානයෙන් ජනපතිට ලිපියක්! රජයේ නව තීරණයට කනස්සල්ල පළ කරයි! 
මහනුවර ඇසළ පෙරහරේ කප් සිටුවයි 
ශ්රී ලංකාවට නව ඇමෙරිකානු තානාපතිවරයෙක් 
භාණ්ඩාගාර බිල්පත් පොලිය පහළට 
වෙඩි තැබීමකින් බැකෝ සමන්ගේ මව මරුට 
දුම්රිය ස්ථානාධිපතිවරුන්ගෙන් රතු එළියක් 
හිටපු ඇමති අකිල විරාජ්ගේ ඉන්ධනහලේ සේවකයෙක් රිමාන්ඩ් 
ප්රමෝද්ය වික්රමසිංහ ශ්රී ලංකා ක්රිකට් ආයතනයට එරෙහිව නඩු දමයි 
ඉන්දියාවට එරෙහි පළමු ටෙස්ට් තරගයට ශ්රී ලංකා සංචිතය නම් කරයි 
ජනපති සමඟ සාකච්ඡාවෙන් පස්සේ එළියට බැස්ස නීතිඥවරු කී දේ