දුන් පොරොන්දුව රකිමින් දීපා එදිරිසිංහ මන්ත්‍රී ධුරයෙන් ඉල්ලා අස්වෙයි

කොළඹ මහ නගර සභාවේ ශ්‍රී ලංකා නිදහස් පක්ෂයේ නගර සභා මන්ත්‍රිනී දීපා එදිරිසිංහ සිය ධුරයෙන් ඉල්ලා අස් වී තිබෙනවා.

ඒ අනුව, මන්ත්‍රී ධුරය භාර ගැනීමේදී වසරකින් අනතුරුව ඉන් ඉල්ලා අස්වන බවට වූ පොරොන්දුවක් මත ඇය මෙම තීරණය ගෙන ඇති බවයි සඳහන් වන්නේ.

කෙසේ වෙතත්, ශ්‍රී ලංකා නිදහස් පක්ෂය විසින් කොළඹ මහ නගර සභාවට ඉදිරියේදී නව සභිකයෙකු නම් කිරීමට නියමිත අතර, ඉන් අනතුරුව අදාළ නම ගැසට් පත්‍රයක් මඟින් ප්‍රකාශයට පත් කිරීමට නියමිතව තිබෙනවා.