සෙල්ෆියක් ගන්න ගිය පාසල් සිසුන් දෙදෙනෙකු යළි නොඑන ගමන් යයි

තෙල්දෙණිය, පන්විල ප්‍රදේශයේ පිහිටි දියඇල්ලක් නැරඹීමට ගිය පාසල් සිසුන් දෙදෙනෙකු ඉන් ඇදවැටී අවාසනාවන්ත ලෙස ජීවිතක්ෂයට පත්ව තිබේ.

මෙසේ ජීවිතක්ෂයට පත්ව ඇත්තේ අවුරුදු 13 සහ 15 යන වයස්වල පසුවන පිරිමි ළමුන් දෙදෙනෙකි.

පොලීසිය සඳහන් කරන පරිදි, පාසල් වේලාව අවසන් වීමෙන් අනතුරුව සිසුන් පස්දෙනෙකුගෙන් යුත් කණ්ඩායමක් මෙම දියඇල්ල නැරඹීම සඳහා ගොස් ඇත.

එහිදී දියඇල්ල ආසන්නයේ සිට ඡායාරූපයක් (Photo) ගැනීමට උත්සාහ කිරීමේදී පාදය ලිස්සා යාමෙන් හෝ පාලනයෙන් මිදී මෙම අනතුරට මුහුණ පා ඇති බව මූලික විමර්ශනවලදී අනාවරණය වී තිබේ.

සිද්ධිය සම්බන්ධයෙන් පන්විල සහ තෙල්දෙණිය පොලීසිය විසින් වැඩිදුර විමර්ශන කටයුතු සිදුකරනු ලබයි.