ගුරු, ගුරු උපදේශක, විදුහල්පති, ගුරු අධ්යාපනඥ සහ අධ්යාපන පරිපාලන ඇතුළු සාමාන්ය අධ්යාපන ක්ෂේත්රයේ සියලුම වෘත්තීය කාණ්ඩ ආවරණය වන පරිදි ශ්රී ලංකාවේ අධ්යාපන සභාවක් පිහිටුවීමට අදාළ පනත් කෙටුම්පතක් සකස් කිරීමට අමාත්ය මණ්ඩල අනුමැතිය හිමිව තිබෙනවා.
මෙම අධ්යාපන සභාව මගින් අධ්යාපන වෘත්තිකයන්ගේ ප්රමිතිකරණය, ලියාපදිංචිය හෝ බලපත්රකරණය, තත්ත්ව සහතික කිරීම සහ ප්රතීතනය ඇතුළු කාර්යයන් සඳහා ආයතනික යාන්ත්රණයක් ස්ථාපිත කිරීමට අපේක්ෂිතයි.
මේ සම්බන්ධයෙන් අධ්යයනය කර නිර්දේශ ඉදිරිපත් කිරීම සඳහා ජ්යෙෂ්ඨ මහාචාර්ය ඔ.ජී. දයාරත්නගේ සභාපතිත්වයෙන් යුතු කමිටුවක් අධ්යාපන, උසස් අධ්යාපන හා වෘත්තීය අධ්යාපන අමාත්යාංශයේ ලේකම්වරයා විසින් පත් කර තිබෙනවා.
එම කමිටුව විසින් 2025 ඔක්තෝබර් 3 වැනිදා ඉදිරිපත් කළ වාර්තාව, පාර්ලිමේන්තුවේ අධ්යාපන, උසස් අධ්යාපන සහ වෘත්තීය අධ්යාපනය පිළිබඳ අමාත්යාංශයීය උපදේශක කාරක සභාව යටතේ පිහිටුවන ලද අධ්යාපන සභාව පිහිටුවීම පිළිබඳ අනුකාරක සභාව වෙතයි ඉදිරිපත් කර ඇත්තේ.
අදාළ අනුකාරක සභාවේ අනුමැතිය මත එම වාර්තාවේ සඳහන් කරුණු සම්බන්ධයෙන් මහජන අදහස් විමසීමෙන් අනතුරුව සකස් කළ සමාලෝචන වාර්තාවද අනුකාරක සභාව වෙත ඉදිරිපත් කර ඇති බව සඳහන්.
ඒ අනුව, අධ්යාපන, උසස් අධ්යාපන සහ වෘත්තීය අධ්යාපන අමාත්යවරිය ලෙස අග්රාමාත්යවරිය ඉදිරිපත් කළ යෝජනාව සැලකිල්ලට ගෙන මෙම පියවර ගැනීමට තීරණය කර තිබෙනවා.
යෝජිත අධ්යාපන සභාවේ විෂය පථයට අදාළ කරුණු සම්බන්ධයෙන් ආණ්ඩුක්රම ව්යවස්ථාව සහ අනෙකුත් නෛතික විධිවිධාන යටතේ දැනටමත් බලය පැවරී ඇති ආයතන සමග නිසි සම්බන්ධීකරණයකින් කටයුතු කරමින් අධ්යාපන සභාව පිහිටුවීම සඳහා පනත් කෙටුම්පතක් සකස් කරන ලෙස නීති කෙටුම්පත් සම්පාදකවරයා වෙත උපදෙස් ලබාදීමටයි අමාත්ය මණ්ඩලය අනුමැතිය ලබාදී ඇත්තේ.
උණුසුම් කාලගුණය සම්බන්ධයෙන් අවවාදාත්මක නිවේදනයක් 
දෙහිවල ජාතික සත්වෝද්යානයේ වාසය කළ ජිරාෆ් මිය යයි 
බන්ධනාගාර ප්රශ්න විසඳන්න ගත්ත අලුත්ම තීන්දුව 
සැප්තැම්බර් සිට රථවාහන දඩ මුදල් ගෙවීම ඩිජිටල් ක්රමයට පමණයි 
අපවත්වී වදාළ පූජ්ය රඹුකන සිද්ධාර්ථ හිමිගේ දේහය වැල්ලවත්ත ශ්රී සුධර්මාරාම විහාරයට 
අත්යවශ්ය ආනයනික භාණ්ඩ මිල තවදුරටත් ඉහළ යාමේ අවදානමක් 
ඩෙංගු මරණ සංඛ්යාව ඉහළට 
රියදුරන්ට දැනුම්දීමක් 
මුදල් කොල්ලකන අලුත්ම ජාවාරම! ඔබටත් මෙවැනි දුරකථන ඇමතුමක් ලැබුණොත් ප්රවේශමෙන්! 
හිටපු අමාත්ය ජගත් පුෂ්පකුමාරගේ බිරිඳ හදිසි අනතුරකින් අභාවප්රාප්ත වෙයි 
එල්ටීටීඊ පුහුණු කඳවුරක් ගැන අසත්ය තොරතුරු පැතිරූ පුද්ගලයා අත්අඩංගුවට 
අද කාලගුණය