ගුරු, ගුරු උපදේශක, විදුහල්පති, ගුරු අධ්යාපනඥ සහ අධ්යාපන පරිපාලන ඇතුළු සාමාන්ය අධ්යාපන ක්ෂේත්රයේ සියලුම වෘත්තීය කාණ්ඩ ආවරණය වන පරිදි ශ්රී ලංකාවේ අධ්යාපන සභාවක් පිහිටුවීමට අදාළ පනත් කෙටුම්පතක් සකස් කිරීමට අමාත්ය මණ්ඩල අනුමැතිය හිමිව තිබෙනවා.
මෙම අධ්යාපන සභාව මගින් අධ්යාපන වෘත්තිකයන්ගේ ප්රමිතිකරණය, ලියාපදිංචිය හෝ බලපත්රකරණය, තත්ත්ව සහතික කිරීම සහ ප්රතීතනය ඇතුළු කාර්යයන් සඳහා ආයතනික යාන්ත්රණයක් ස්ථාපිත කිරීමට අපේක්ෂිතයි.
මේ සම්බන්ධයෙන් අධ්යයනය කර නිර්දේශ ඉදිරිපත් කිරීම සඳහා ජ්යෙෂ්ඨ මහාචාර්ය ඔ.ජී. දයාරත්නගේ සභාපතිත්වයෙන් යුතු කමිටුවක් අධ්යාපන, උසස් අධ්යාපන හා වෘත්තීය අධ්යාපන අමාත්යාංශයේ ලේකම්වරයා විසින් පත් කර තිබෙනවා.
එම කමිටුව විසින් 2025 ඔක්තෝබර් 3 වැනිදා ඉදිරිපත් කළ වාර්තාව, පාර්ලිමේන්තුවේ අධ්යාපන, උසස් අධ්යාපන සහ වෘත්තීය අධ්යාපනය පිළිබඳ අමාත්යාංශයීය උපදේශක කාරක සභාව යටතේ පිහිටුවන ලද අධ්යාපන සභාව පිහිටුවීම පිළිබඳ අනුකාරක සභාව වෙතයි ඉදිරිපත් කර ඇත්තේ.
අදාළ අනුකාරක සභාවේ අනුමැතිය මත එම වාර්තාවේ සඳහන් කරුණු සම්බන්ධයෙන් මහජන අදහස් විමසීමෙන් අනතුරුව සකස් කළ සමාලෝචන වාර්තාවද අනුකාරක සභාව වෙත ඉදිරිපත් කර ඇති බව සඳහන්.
ඒ අනුව, අධ්යාපන, උසස් අධ්යාපන සහ වෘත්තීය අධ්යාපන අමාත්යවරිය ලෙස අග්රාමාත්යවරිය ඉදිරිපත් කළ යෝජනාව සැලකිල්ලට ගෙන මෙම පියවර ගැනීමට තීරණය කර තිබෙනවා.
යෝජිත අධ්යාපන සභාවේ විෂය පථයට අදාළ කරුණු සම්බන්ධයෙන් ආණ්ඩුක්රම ව්යවස්ථාව සහ අනෙකුත් නෛතික විධිවිධාන යටතේ දැනටමත් බලය පැවරී ඇති ආයතන සමග නිසි සම්බන්ධීකරණයකින් කටයුතු කරමින් අධ්යාපන සභාව පිහිටුවීම සඳහා පනත් කෙටුම්පතක් සකස් කරන ලෙස නීති කෙටුම්පත් සම්පාදකවරයා වෙත උපදෙස් ලබාදීමටයි අමාත්ය මණ්ඩලය අනුමැතිය ලබාදී ඇත්තේ.
අද දින ප්රධාන වාණිජ බැංකු කිහිපයක ඩොලරයේ ගැනුම් හා විකුණුම් මිල ගණන් 
පාසල් සිසුන් පිරිසකට රුපියල් 5,000ක මාසික දීමනාවක් 
දිනේෂ් චන්දිමාල් වෙනුවට පසිඳු සූරියබණ්ඩාරව ආදේශක ක්රීඩකයා ලෙස කැඳවයි 
ශ්රී ලංකා පිලට ජයග්රහණය සඳහා ලැබුණු ඉලක්කය 
පෞද්ගලික විශ්වවිද්යාලවලින් උපාධියක් ගන්න පොලී රහිත ණයක්! අයදුම්පත් කැඳවයි! 
පුද්ගලයින් පස්දෙනෙක් ඝාතනය කළැයි පිල්ලෙයාන් ඇතුළු දෙදෙනෙක් තවදුරටත් රිමාන්ඩ් 
ඉන්දීය තරගය අතරමැද චන්දිමාල්ට ආබාධයක් 
පාර්ලිමේන්තුවේ උණුසුම් තත්ත්වයක්! විපක්ෂයෙන් දැඩි විරෝධයක්! 
අකිල විරාජ්ට ඇප 
කෙහෙළිය රඹුක්වැල්ල අත්අඩංගුවට 
හිටපු ඇමති රාජිත සේනාරත්නගේ සොහොයුරා අත්අඩංගුවට 
අද කාලගුණ නිවේදනය