ශ්‍රී ලංකා – එංගලන්ත අවසන් විස්සයි විස්ස තරගය අද රාත්‍රියේ

සංචාරක ශ්‍රී ලංකා කණ්ඩායම සහ එංගලන්තය අතර තුන්වන සහ අවසන් පන්දුවාර 20 ක්‍රිකට් තරගය අද (19) පැවැත්වෙනවා.

මැන්චෙස්ටර් හිදී මෙම තරගය ආරම්භ වන්නේ ශ්‍රී ලංකා වේලාවෙන් රාත්‍රි 7.00ටයි.

පළමු තරග දෙකම ජයගෙන එංගලන්ත කණ්ඩායම මේ වනවිට තරගාවලිය 2ට 0ක් ලෙස ජයගෙන අවසන්.

එම තරග දෙකේදීම අමිහිරි පරාජයක් ලැබූ ශ්‍රී ලංකා කණ්ඩායමට සිය ගෞරවය රැක ගැනීමට නම් අද තරගය අනිවාර්යයෙන්ම ජයග්‍රහණය කළ යුතු වනවා.

මේ අතර, එංගලන්තය සමග පන්දුවාර 20 තරගාවලියට ක්‍රීඩා නොකළ ශ්‍රී ලංකා එක්දින සහ විස්සයි විස්ස නිත්‍ය නායක කුසල් මෙන්ඩිස් ඊයේ එංගලන්තය බලා පිටත්ව ගොස් තිබෙනවා.

ඔහු සමග අසිත ප්‍රනාන්දු ද එංගලන්තය බලා පිටත්ව ගොස් ඇති අතර, ඔවුන් ඉදිරි එක්දින තරගාවලියේදී ශ්‍රී ලංකා කණ්ඩායම සමග එක්වීමට නියමිතයි.