අදට යෙදෙන දුරුතු පොහොයෙහි ඇති වැදගත්කම

බුදුරජාණන් වහන්සේගේ ප්‍රථම ලංකා ගමනය ඇතුළු ශාසන ඉතිහාසයේ වැදගත් සිදුවීම් රැසක් සිදුවූ දුරුතු පුර පසළොස්වක පොහොය දිනය අදයි.

වසරේ පළමු පොහොය අද වීමත්  විශේෂත්වයක්.

මහියංගනයට වැඩම කළ බුදුන්වහන්සේ යක්‍ෂයන් දමනය කිරීම අද වැනි දිනක සිදුවූ බව ශාසන ඉතිහාසයේ සඳහන්.

බුදුරජාණන් වහන්සේගෙන් ධර්මය අසා සෝවාන් ඵලයට පත් සුමන සමන් දෙවියන්ගේ ඉල්ලීම පරිදි කේශ ධාතු මිටක් ලබාදීම මෙහිදි සිදුකර තිබෙනවා.

එම ධාතු නිධන් කොට මහියංගන චෛත්‍යය ඉදිකර ඇති බවයි ශාසන ඉතිහාසයේ දැක්වෙන්නේ.

බිම්බිසාර රජු විසින් බුදුරදුන් ඇතුලු මහ සඟරුවනට වේළුවනාරාමය පුජා කර ඇත්තේ ද දුරුදු පොහොය දිනක බව බෞද්ධ ඉතිහාසයේ සඳහන් වනවා.

තුන්බෑ ජටිලයන් දමනය කිරීමත් සිදුවී ඇත්තේ ද අද වැනි දුරුතු පොහෝ දිනයක බවයි ශාසන ඉතිහාසයේ වැඩිදුරටත් සඳහන් වන්නේ.

දුරුතු පොහොය නිමිත්තෙන් දිවයින පුරා වෙහෙර විහාරස්ථානවල ආමිස සහ ප්‍රතිපත්ති පූජාවලට මුල්තැන දෙමින් ආගමික වැඩසටහන් රැසක් පැවැත්වෙනවා.