ගුවන් සේවා සමාගමේ හිටපු විධායක නිලධාරී කපිල චන්ද්‍රසේන මහතාගේ බිරිඳ වන ප්‍රියංකා නියෝමාලි විජේනායක වෙනුවෙන් හිටපු ක්‍රිකට් ක්‍රීඩක අරවින්ද ද සිල්වා සහ ඔහුගේ බිරිඳ ඇප තැබූ මුදල් රාජසන්තක කරන ලෙස කොටුව මහෙස්ත්‍රාත් පසන් අමරසේන මහතා අද (30) නියෝග කළේය.
එයාර් බස් ගනුදෙනුව සම්බන්ධයෙන් සිදුකරන විමර්ශනයට අදාළ සැකකාරියක වන ප්‍රියංකා වෙනුවෙන් අරවින්ද ද සිල්වා සහ ඔහුගේ බිරිඳ ප්‍රියංගි නියෝමාලි විජේනායක තබා ඇති ඇප මුදල් මෙලෙස රාජසන්තක කර ඇත.
ප්‍රියංකා නියෝමාලි විජේනායක රුපියල් මිලියන 20 බැගින් වූ ඇප දෙකක් මත ඇප මත මුදා හැර තිබූ අතර, ඒ අනුව අද මිලියන 20ක් ගෙවන බව ඇපකරුවන් වෙනුවෙන් අධිකරණයේ පෙනී සිටි නීතීඥවරයා දැන්වීය.
ඒ අනුව එම මුදල අද ගෙවීමට අවසර හිමිවූ අතර, ඉතිරි මුදල ගෙවීමට ඔක්තෝබර් 14 වැනිදා දක්වා කල් හිමිවිය.
එයාර් බස් ගනුදෙනුවට අදාළව සිදු කරනු ලබන විමර්ශනයට අදාළව ප්‍රියංකා නියෝමාලි විජේනායකට අධිකරණය මග හැරීම නිසා වරෙන්තු නිකුත් කර ඇති අතර, එය ජාත්‍යන්තර පොලීසිය වෙතද යොමුකිරීමට පියවරගෙන තිබේ.
ඇප ලබා විදේශ ගත වී සිටින අදාළ සැකකාරිය, ඔහුගේ සැමියා වන කපිල චන්ද්‍රසේන මිය යාමට පෙරද අධිකරණය මග හැර වරෙන්තු නිකුත් වී ඇති බැවින් ඇපකරුවන්ට සහනයක් ලබාදෙන ලෙස කළ ඉල්ලීම මහෙස්ත්‍රාත්වරයා මෙහිදී ප්‍රතික්ෂේප කර ඇත.
දෙවන සැකකාරිය තම සැමියා සියදිවි නසා ගැනීම සහ ඇයගේ ජීවිතයට ඇති අසීමිත බිය හේතුවෙන් මෙරටට පැමිණීමේ බියෙන් පසුවන බවත්, මේ මොහොතේ සැකකාරිය තම පාලනයෙන් තොර බවත් ඇපකරුවන් අධිකරණයට දන්වා තිබේ.
මෙම නඩුවේ තෙවන සැකකරු වන හිටපු කථානායක චමල් රාජපක්ෂ මහතාගේ පුත් ෂමීන්ද්‍ර රාජපක්ෂ යන අයටද ජාත්‍යන්තර වරෙන්තුවක් මේ වනවිට නිකුත් කර ඇත.
හිටපු ජනපති ගෝඨාභයගේ රිට් පෙත්සමට දුන් නියෝගයේ සම්පූර්ණ කතාව 
ටිරාන් අලස් අත්අඩංගුවට ගැනීමට එරෙහිව නියෝගයක් 
කොටුව මහේස්ත්රාත් පසන් අමරසේනට විශේෂ පොලිස් ආරක්ෂාවක් 
ශ්රී ලාංකික මගීන්ට සුඛෝපභෝගී ගමන් අත්දැකීමක් ලබා දෙමින් Uber Black මෙරටට 
අහුංගල්ලේ වෙඩි තැබීමක්! ලොකු පැටීගේ සහෝදරයා මරුට! 
හිටපු ජනපති ගෝඨාභයගේ පෙත්සම ඉවතට 
හිටපු ජනපති රනිල්ගේ ආරක්ෂකයාට පහරදුන් කැමරා ශිල්පියා අත්අඩංගුවට 
ක්ෂණික ණය මුදල් ලබාගන්නා පුද්ගලයින්ට විශේෂ දැනුම්දීමක් 
අද සිට වැස්ස වැඩිවෙයි 
සමස්ත රාජ්ය සේවයම ආවරණය වන පරිදි තනි ජාතික පද්ධතියක් 
ලෝක ළමා දිනයට ජනපතිගෙන් සුබපැතුම් 
IOC ඉන්ධන මිලත් ඉහළට