බංග්ලාදේශය පරදා ශ්‍රී ලංකා පිල සුපිරි ජයක් ලබයි

22 වැනි වරටත් පැවැත්වෙන හොංකොං සික්ස්සස් ක්‍රිකට් තරගාවලියේ ‘බී’ කාණ්ඩය යටතේ පැවැති පළමු තරගයෙන් බංග්ලාදේශය පරාජය කර විශිෂ්ට ජයක් හිමිකර ගැනීමට ශ්‍රී ලංකා කණ්ඩායම සමත් විය.

පළමුව පන්දුවට පහරදුන් බංග්ලාදේශ කණ්ඩායම පන්දුවාර 6 තුළ කඩුලු 4ක් දැවී ලකුණු 127ක් රැස් කළේය. ලකුණු 128ක ඉලක්කයක් හඹාගිය ශ්‍රී ලංකා කණ්ඩායම පන්දු 4ක් ඉතිරිව තිබියදී ජයග්‍රහණය වාර්තා කළේය.

ශ්‍රී ලංකා ඉනිම වෙනුවෙන් විශිෂ්ට පිතිහරඹයක නිරත වූ විෂේන් හැලඹගේ පන්දු 17කදී නොදැවී ලකුණු 80ක් රැස් කළ අතර, ඔහුගේ ඉනිමට අතිදැවැන්ත හයේ පහර 11ක් සහ හතරේ පහර 3ක් ඇතුළත් විය.

මෙම තරගාවලිය නොවැම්බර් 01 වනදා දක්වා හොංකොං හි මොං කොක් (Mong Kok) ක්‍රීඩාංගණයේදී පැවැත්වේ.