මෙදා සැරේ අවුරුද්දේ රතිඤ්ඤා සද්දේ අඩුවීමේ අවදානමක්!

අමුද්‍රව්‍ය හිඟයක් හේතුවෙන් අලුත් අවුරුදු උත්සව සමය සඳහා රතිඤ්ඤා නිෂ්පාදනය අඩු කර ඇති බව සමස්ත ලංකා ගිනිකෙළි නිෂ්පාදකයන්ගේ සංගමය පවසයි.

රතිඤ්ඤා මගින් නිපදවන ඝෝෂාකාරී ශබ්ද සඳහා දායක වන ඇලුමිනියම් කුඩු සහ දහනය සඳහා අත්‍යවශ්‍ය පොදු ඔක්සිකාරකයක් වන පොටෑසියම් නයිට්‍රේට් ශ්‍රී ලංකා රාජ්‍ය වෙළඳ සංස්ථාවේ ප්‍රමාදයන් හේතුවෙන් ආනයනය කිරීමට අවසර නොමැති බව එම සංගමයේ සභාපති දිනේෂ් ප්‍රනාන්දු පැවසීය.

ඔහු සඳහන් කළේ මෙහි ප්‍රතිඵලයක් ලෙස වෙළඳපොළේ ගිනිකෙළි හිඟයක් ඇති විය හැකිය.

එමෙන්ම පවතින අමුද්‍රව්‍ය හිඟය හේතුවෙන් වෙළඳපොළට නිකුත් කරන නිෂ්පාදනවල මිල සැලකිය යුතු ලෙසද ඉහළ යා හැකි බවයි සභාපතිවරයා සඳහන් කළේ.