බැසිල් රාජපක්ෂ රටින් පිට වෙයි

හිටපු මුදල් අමාත්‍ය බැසිල් රාජපක්ෂ ඇමරිකාව බලා පිටත්ව යාමේ අරමුණින් මේ වන විට
කටුනායක ජාත්‍යන්තර ගුවන් තොටුපලට පැමිණ ඇති බව වාර්තා වනවා.

ඔහු අද (09) සවස 05:20 ට කටුනායක සිට ඩුබායි බලා පිටත් වන ගුවන් යානයකින් ඩුබායි
බලා ගොස් එතැනින් ඇමරිකාව බලා යාමට නියමිත බවයි වාර්තා වන්නේ.

පසුගිය ජූලි 9 වැනි දින සිදු වූ මහජන නැගිටීම් හමුවේ හිටපු මුදල් අමාත්‍ය බැසිල්
රාජපක්ෂ ද රටින් පළා යාමට උත්සාහ කළ අතර ඒ අවස්ථාවේ දී ගුවන්තොටුපලේ මගීන්ගෙන් සහ
ආගමන විගමන අංශවලින් මතු ව්වූ විරෝධතා හේතුවෙන් ඔහුට නැවත හැරී යන්නට සිදු වුණා.

ඉන්පසුව transparency international ආයතනය අධිකරණය ඉදිරියේ ගොනුකළ නඩුවක්
හේතුවෙන් මහින්ද රාජපක්ෂ, බැසිල් රාජපක්ෂ, අජිත් නිවාඩ් කබ්රාල් ඇතුළු තවත්
පිරිසකට විදෙස් ගමන් තහනමක් පැනවූ අතර පසුගියදා අධිකරණය විසින් එම ගමන් තහනම
තාවකාලිකව ලිහිල් කරනු ලැබුවා.

ඒ අනුව ලබන ජනවාරි නව වැනිදා දක්වා බැසිල් රාජපක්ෂට විදෙස් ගමන් සඳහා අවසරය හිමි
වී තිබෙනවා.

source – hiru news