ළිඳකින් මවකගේ සහ දරුවන් දෙදෙනෙකුගේ සිරුරු හමුවෙයි

මවකගේ හා ඇගේ දරුවන් දෙදෙනාගේ මළ සිරුරු මුලතිව්, මාන්කුලම, පනික්කන්කුලම ප්‍රදේශයේ ගෙවත්තක ළිඳක තිබී සොයා ගෙන ඇති අතර එය සියදිවි හානි කරගැනීමක් බවට පොලිසිය සැකපළකරයි.

ඊයේ මෙම මළ සිරුරු සොයාගනු ලැබුවේ ප්‍රදේශවාසීන්ගෙන් ලද තොරතුරකට අනුවය.

මියගිය මව 38 වන හැවිරිදි වියේ පසුවන අතර දැරිය 11 හැවිරිදි වියේ පසුවන බව පොලිසිය පවසයි. පිරිමි දරුවාගේ වයස අවුරුදු 03 කි.

මියගිය කාන්තාවකගේ සැමියා කලක සිට විදේශගත වී සිටින අතර ඇය සිය දරුවන් දෙදෙනා සහ මව සමඟ එම නිවසේ පදිංචිව සිට ඇත.

සැමියා, ජීවත්වීම සදහා මුදල් එවීම සිදු නොකරන බවට සිය දියණිය නිරන්තරයෙන් ප්‍රකාශ කළ බව මියගිය කාන්තාවගේ මව පොලිසිය හමුවේ සදහන් කර ඇත.