පාසල් සිසුවෙකුව අනතුරට පත්කර අනතුරට පත් පාසල් සිසුවා ත්රීරෝද රථයේම නංවාගෙන ගොස් අතරමඟ දමා ගොස් තිබිය දී අත්අඩංගුවට ගත් ත්රිරෝද රථ රියදුරුව රක්ෂිත බන්ධනාගාරගත කර තිබේ.
ගිනිගත්හේන පොලීසිය විසින් අදාළ ත්රීරෝද රථ රියදුරුව ඊයේ (26) අත්අඩංගුවට ගෙන හැටන් දිසා විනිසුරු සහ මහෙස්ත්රාත් ෆරුක් ඩින් මහතා වෙත ඉදිරිපත් කිරිමෙන් අනතුරුව සැකකරු මේ මස 31 වනදා දක්වා රක්ෂිත බන්ධනාගාරගත කිරීමට නියෝග කර ඇත.
මෙසේ රක්ෂිත බන්ධනාගාරගත කරනු ලැබුවේ යටියන්තොට මිපිටිකන්ද ප්රදේශයේ පදිංචි 26 හැවිරිදි පුද්ගලයෙකි.
ගිනිගත්හේන ප්රාථමික විද්යාලයේ පහ වසරේ අධ්යාපනය ලබන සිසුවෙකු ඉකුත් 22 වනදා ගිනිගත්හේන නගරයේ බාහිර පන්තියකට පැමිණ ආපසු නිවස කරා යෑමට ගිනිගත්හේන නගර මධ්යයේ කහ ඉර සිමාවෙන් මාර්ගය හරහා යෑමට උත්සාහ කිරීමේ දී හැටන් සිට යටියන්තොට දක්වා ධාවනය වූ ත්රිරෝද රථයක සිසුවා ගැටි තුවාල ලබා තිබුණි.
තුවාල ලැබු සිසුවා ගිනිගත්හේන රෝහල වෙත රැගෙන යන බව පවසා එම ත්රීරෝද රථ රියදුරා පාසල් සිසුවාව ත්රීරෝද රථයට නංවාගෙන රැගෙන ගොස් ගිනිගත්හේන කොළඹ ප්රධාන මාර්ගයේ කළුගල ප්රදේශයේදී ප්රතිකාර ලබා ගන්නා ලෙස පවසා රු. 500 මුදලක් ලබාදී සිසුවාව ප්රධාන මාර්ගය අසල දමාගොස් ඇති බව ගිනිගත්හේන පොලීසිය පැවසීය.
තුවාල ලබා ප්රධාන මාර්ගය අසල වැටි සිටි පාසල් සිසුවාව ප්රදේශවාසින් එක්ව ගිනිගත්හේන ප්රාදේශීය රෝහල වෙත ඇතුළු කිරීමෙන් පසුව වැඩිදුර ප්රථිකාර සඳහා නාවලපිටිය දිස්ත්රික් මහ රෝහල වෙත යොමු කර ඇත.
ගිනිගත්හේන පොලීසියේ ස්ථානාධිපති ප්රධාන පොලිස් පරික්ෂක විරාජ් විතානගේ මහතා පැවසුවේ CCTV දර්ශන භාවිත කර අදාළ සැකකරුව හඳුනාගත් බවය.
ලබන අය වැයේ ප්රාග්ධන වියදම් ගැන අනාවරණයක් 
ඩොනල්ඩ් ට්රම්ප් 80 වැනි වියට පා තබයි 
ශ්රී ලංකා රුපියලෙහි දැවැන්ත අවප්රමාණය වීමක් 
ශ්රී ලංකා දුම්රිය සේවයේ නිල වෙබ් අඩවියට සයිබර් ප්රහාරයක් 
මහනුවරට මෙට්රො බස් සේවාවක් 
බංග්ලාදේශ ක්රිකට් ක්රීඩක නයීම් හසන්ට පහරදුන් පොලිස් නිලධාරීන්ට වැඩ වරදියි 
‘TIN’ අංකය ගැන දැනුම්දීමක් 
වත්මන් ආණ්ඩුව බලයට පැමිණීමෙන් පසු ලබා ගත් විදෙස් ණය ප්රමාණය හෙළිවෙයි 
සාමාන්ය පෙළ විභාගයේ ප්රතිඵල නිකුත් වන දිනය පිළිබඳව දැනුම්දීමක් 
භික්ෂූත්වයෙන් නෙරපූ රාජාංගණයේ හිමිට මැර ප්රහාරයක් 
බැසිල්ට එරෙහිව රජයේ සාක්ෂිකරුවෙක් වීමට භාෂ්වර එකඟ වෙයි 
බණ්ඩාරවෙල සිදුවීම ගැන බැරිස්ටා ආයතනයෙන් පැහැදිලි කිරීමක්