ශ්‍රී ලංකා 19න් පහළ කණ්ඩායමට දරුණු පරාජයක්

යොවුන් ලෝක කුසලාන එක්දින ක්‍රිකට් තරගාවලියේ ශ්‍රී ලංකාව සමඟ පැවැති තරගය කඩුලු 09ක පහසු ජයක් වාර්තා කිරීමට ඔස්ට්‍රේලියානු කණ්ඩායම සමත් විය.

තරගයේ කාසියේ වාසිය දිනූ ඔස්ට්‍රේලියානු කණ්ඩායමේ ආරාධනාවෙන් ප්‍රථමයෙන් පන්දුවට පහරදුන් ශ්‍රී ලංකා කණ්ඩායම පන්දුවාර 18.5ක් තුළ සියලු දෙනා දැවී රැස්කරගත් ලකුණු සංඛ්‍යාව 58කි. 

එහිදී චාමික හීනටිගල ලකුණු 14ක් සහ කවිජ ගමගේ ලකුණු 10ක් ලබා ගත්තහ. 

වෙනත් කිසිදු ක්‍රීඩකයෙක්ට ලකුණු සීමාව ඉක්මවා යාමට නොහැකි විය. 

පන්දුයැවීමේදී විල් බයිරුම් කඩුලු 05ක් බිඳහෙළුවේය.

අනතුරුව ජයග්‍රහණය සඳහා ලකුණු 59ක ඉලක්කයක් හඹා ගිය ඔස්ට්‍රේලියානු කණ්ඩායම පන්දුවාර 12ක් තුළ එක් කඩුල්ලක් පමණක් දැවී තරගයේ ජය වාර්තා කළහ.