මැදපෙරදිග ගැටුම හේතුවෙන් ගෝලීය ආර්ථිකයට එල්ල වී ඇති බලපෑම් හමුවේ ශ්රී ලංකාවේ ආර්ථික ස්ථාවරත්වය ශක්තිමත් කිරීම සඳහා අමෙරිකානු ඩොලර් මිලියන 200ක ණයක් ලබාදීමට ආසියානු සංවර්ධන බැංකුව තීරණය කර තිබේ.
මෙම මුදල් ආධාරය ශ්රී ලංකාවේ වෙළෙඳාම, ආයෝජන සහ කර්මාන්ත සංවර්ධනය ඉලක්ක කරගත් ප්රතිපත්තිමය ණය වැඩසටහනක් යටතේ ලබාදීමට නියමිතය.
ඒ අතරින් අමෙරිකානු ඩොලර් මිලියන 100ක් මැදපෙරදිග අර්බුදය හේතුවෙන් රටට එල්ල වී ඇති ආර්ථික පීඩනය අවම කිරීම සඳහා අතිරේක මූල්ය ණයක් ලෙස වෙන් කර තිබේ.
ADB සභාපති Masato Kanda සඳහන් කර ඇත්තේ, දුරස්ථ ගැටුමක බලපෑම හේතුවෙන් කිසිදු පවුලක් තවදුරටත් දරිද්රතාවයට ඇද වැටිය නොයුතු බවය.
එමෙන්ම ශ්රී ලංකාවේ රැකියා අවස්ථා පුළුල් කිරීම, නව ආයෝජන ආකර්ෂණය කර ගැනීම සහ වෙළෙඳාම ප්රවර්ධනය කිරීම මෙම වැඩසටහනේ ප්රධාන අරමුණු අතර වන බවද ඔහු පෙන්වා දී තිබේ.
මෙම වැඩසටහන යටතේ වෙළෙඳ පද්ධති නවීකරණය කිරීම, කුඩා හා මධ්ය පරිමාණ ව්යවසායන්ගේ තරඟකාරීත්වය ඉහළ නැංවීම, ආර්ථික කලාප වෙත ආයෝජන ගෙන්වා ගැනීම සහ අපනයන වර්ධනය කිරීම සඳහා ප්රතිසංස්කරණ රැසක් ක්රියාත්මක කිරීමට නියමිතයි.
ADB පෙන්වා දෙන්නේ, මෙම ප්රතිසංස්කරණ හරහා ශ්රී ලංකාවේ ආර්ථිකයට අනාගතයේ ඇතිවිය හැකි බාහිර කම්පනවලට වඩාත් හොඳින් මුහුණ දීමේ හැකියාවද ශක්තිමත් වනු ඇති බවයි.
මේ අතර, මැදපෙරදිග ගැටුමේ ආර්ථික බලපෑම් හේතුවෙන් ඉහළ යන වියදම් සහ අවිනිශ්චිතතාවට මුහුණ දීම සඳහා ශ්රී ලංකාව සහ කාම්බෝජය වෙත සමස්ත අමෙරිකානු ඩොලර් මිලියන 450ක ණයක් ලබාදීමටද ආසියානු සංවර්ධන බැංකුව තීරණය කර තිබේ. ඒ අනුව කාම්බෝජයට අමෙරිකානු ඩොලර් මිලියන 250ක ණයක්ද ලබාදීමට නියමිතය.
පොලිසියේ දෙදෙනෙකු ඇතුළු තිදෙනෙකුට බරපතළ සිරදඬුවම් නියම වෙයි 
ඇමති ධුරයේ සිටි මර්වින්ට වසර 2කදී මිලියන 600ක වත්කම්! ප්රසිද්ධ නිළියකටත් ලක්ෂ ගණනින් ගෙවලා! 
ශ්රී ලංකා රුපියලට සුළු අස්වැසිල්ලක් 
බන්ධනාගාර බස් රථයක් වීඩියෝ කළ කාන්තාවක් අත්අඩංගුවට 
මැලේසියාවේදී ඇල්ලූ සයිමා ගැන රහස් තොරතුරු රැසක් එළියට 
මිලිමීටර් 100ට වැඩි තද වැසි ගැන කාලගුණයෙන් පුරෝකථනයක් 
පාස්කු ප්රහාරය පිළිබඳ තීරණාත්මක නඩු තීන්දුවක් අද 
අද ඉන්ධන මිල සංශෝධනයක්? 
වැඩිහිටියන් සඳහා වන අස්වැසුම දීමනාව බැංකු ගිණුමටම වැටෙන දිනේ මෙන්න 
ඉල්ලා අස්වීමෙන් පසු රත්න ශ්රී විජේසිංහ කියපු කතාව 
රුමේෂ් තරංග හෙල්ල විසිකිරීමේ අවසන් තරඟයට 
SLS නැති හෙල්මට්වලට වැඩ වරදී