දේශපාලන අවශ්යතා සහ පෞද්ගලික හිතුවක්කාරකම් මත ආරම්භ කළ විවිධ ව්යාපෘති හේතුවෙන් රටට විශාල ආර්ථික හානියක් සිදුව ඇති බව ප්රවාහන හා මහාමාර්ග නියෝජ්ය අමාත්ය ප්රසන්න ගුණසේන මහතා පවසනවා.
ඔහු මෙම අදහස් පල කළේ, ඊයේ (07) පැවති පාර්ලිමේන්තු සභාවාරය අතරතුරයි.
නිසි ශක්යතා අධ්යයනයකින් තොරව ආරම්භ කළ මෙවැනි ව්යාපෘති වර්තමානය වන විට රටට මහත් බරක් වූ “සුදු අලි” බවට පත්ව තිබෙන බවද හෙතෙම පෙන්වා දුන්නා.
විශේෂයෙන්ම මත්තල රාජපක්ෂ ජාත්යන්තර ගුවන්තොටුපොළේ මෙහෙයුම් සහ නඩත්තු පාඩුව වෙනුවෙන් පමණක් වසරකට රුපියල් බිලියන 2 ත් 4 ත් අතර අධික මුදලක් දැරීමට සිදුව ඇති බව නියෝජ්ය අමාත්යවරයා අනාවරණය කළා.
අතීතයේ බලයට පත්වූ රාජ්ය නායකයන් ජාතික අවශ්යතාවලට වඩා තමන්ගේ ප්රදේශ මුල්කරගනිමින් මෙලෙස අත්තනෝමතික ලෙස ව්යාපෘති ආරම්භ කිරීමේ අයහපත් සංස්කෘතියක් පවත්වාගෙන ගිය බවද ඔහු සඳහන් කළා.
මෙලෙස පාඩු ලබන ව්යාපෘති, රටට සහ රජයට ආදායම් උපයන තත්ත්වයට පරිවර්තනය කිරීම වර්තමාන රජයේ ප්රධාන අභියෝගය බවත්, ඒ සඳහා විධිමත් යෝජනා ඔස්සේ ආයෝජකයන් ගෙන්වා ගැනීමට පියවර ගන්නා බවත් අමාත්යවරයා පැවසුවා.
බණ්ඩාරනායක ජාත්යන්තර ගුවන්තොටුපොළ අසල පිහිටි විශාල ප්රචාරක පුවරු ඉතා අඩු මුදලට සහ අක්රමවත් ලෙස ලබාදීමේ සිද්ධියකට අදාළව රජයට හිතකර අධිකරණ තීන්දුවක් ලැබී ඇති අතර, එම අක්රමවත් ප්රචාරක පුවරු ඉවත් කිරීමේ කටයුතු ආරම්භ කර තිබෙනවා.
බන්ධනාගාරගත රැඳවියෙකුට බත් එකේ දමා මත්ද්රව්ය රැගෙන ගිය දෙදෙනෙක් මාට්ටු 
කොත්මලේ ජලාශයේ වාන් දොරටුවක් විවෘත කෙරේ 
අලෙවි නියෝජිත මිලට වඩා වැඩි මිලට යතුරුපැදි වික්ක වෙළෙඳසැල් 03කට දඩ 
ක්රිකට් මැච් එකක් නිසා කෙහෙවලු පටලාගත් විදුහල්පතිනියන් 
පොහොට්ටුවේ පිරිසක් සර්වජන බලය සමඟින් එක්වෙයි 
විදේශ ප්රේෂණවල කැපී පෙනෙන වර්ධනයක් 
බන්ධනාගර නව මාධ්ය ප්රකාශක සේනක පල්ලේතැන්න 
හිටපු ඇමෙරිකානු ජනපති ජෝ බයිඩන්ගේ පිළිකාව උත්සන්න වෙයි 
උසස් පෙළ විභාගය හෙට ඇරඹෙයි 
කුසල් මෙන්ඩිස්ට ලැබුණු තනතුර 
ශිෂ්යත්ව විභාගය අදයි 
රත්මලානේ නිවසකට එල්ලවූ අත්බෝම්බ ප්රහාරයට 4ක් අත්අඩංගුවට